Türkiya pezidenti Rejep Tayıp Erdoğan «Izrail' terroristerdiñ memleketi» - dep mälimdedi.

Rejep Tayıp Erdoğan «Ädildik jäne damu» partiyasınıñ otırısında AQŞ prezidenti Donal'd Tramptıñ Ierusalim qalasın Izrail' astanası dep moyındauına baylanıstı mälimdeme jasağan. Ol onda: «Bizdiñ bastamamız boyınşa, jeltoqsan ayınıñ 13-i küni Stambul qalasında Islam ıntımaqtastıq wyımına müşe elderdiñ basşıları bas qosatın boladı. Onda olar Tramptıñ aytqandarına qarsı tiisti jol kartasın qabıldaydı. Donal'd Tramptıñ Ierusalimdi Izrail' astanası dep moyındauınıñ eşqanday zañdıq negizi joq. Biz Ierusalimdi jaulap alu men tonaudan basqanı bilmeytin terroristerdiñ memleketine bermeymiz. Biz küresti arı qaray jalğastıramız» - degen.

Esteriñizge salayıq, 6 jeltoqsan küni AQŞ prezidenti Donal'd Tramp Ierusalim qalasın Izrail' astanası dep moyındap, Tel'-Avivtegi Amerika bas elşiligin Ierusalimge köşiru kerektigin aytqan bolatın. Donal'd Tramptıñ bwl mälimdemesine BWW-nıñ Qauipsizdik keñesine müşe 14 memleket qarsı şıqqan.

“The Qazaq Times”