تۇركيا پەزيدەنتى رەجەپ تايىپ ەردوعان «يزرايل تەرروريستەردىڭ مەملەكەتى» - دەپ مالىمدەدى.

رەجەپ تايىپ ەردوعان «ادىلدىك جانە دامۋ» پارتياسىنىڭ وتىرىسىندا اقش پرەزيدەنتى دونالد ترامپتىڭ يەرۋساليم قالاسىن يزرايل استاناسى دەپ مويىنداۋىنا بايلانىستى مالىمدەمە جاساعان. ول وندا: «ءبىزدىڭ باستامامىز بويىنشا، جەلتوقسان ايىنىڭ 13-ءى كۇنى ستامبۋل قالاسىندا يسلام ىنتىماقتاستىق ۇيىمىنا مۇشە ەلدەردىڭ باسشىلارى باس قوساتىن بولادى. وندا ولار ترامپتىڭ ايتقاندارىنا قارسى ءتيىستى جول كارتاسىن قابىلدايدى. دونالد ترامپتىڭ يەرۋساليمدى يزرايل استاناسى دەپ مويىنداۋىنىڭ ەشقانداي زاڭدىق نەگىزى جوق. ءبىز يەرۋساليمدى جاۋلاپ الۋ مەن توناۋدان باسقانى بىلمەيتىن تەرروريستەردىڭ مەملەكەتىنە بەرمەيمىز. ءبىز كۇرەستى ارى قاراي جالعاستىرامىز» - دەگەن.

ەستەرىڭىزگە سالايىق، 6 جەلتوقسان كۇنى اقش پرەزيدەنتى دونالد ترامپ يەرۋساليم قالاسىن يزرايل استاناسى دەپ مويىنداپ, تەل-اۆيۆتەگى امەريكا باس ەلشىلىگىن يەرۋساليمگە كوشىرۋ كەرەكتىگىن ايتقان بولاتىن. دونالد ترامپتىڭ بۇل مالىمدەمەسىنە بۇۇ-نىڭ قاۋىپسىزدىك كەڭەسىنە مۇشە 14 مەملەكەت قارسى شىققان.

“The Qazaq Times”