Älemdegi eñ iri terrorlıq wyım älem elderine eskertu jasadı. foto: South China Morning Post.

«Islam memleketi» wyımı ğalamtorda jaña plakattar taratıp, rojdestvolıq merekeler kezinde AQŞ-ta, Wlıbritaniyada jäne Franciyada terrorlıq şabuıl jasaytındarın ayttı. Wlıbritaniyanıñ Sırtqı ister ministrligi terrorizmge qarsı taraulardıñ saqtıqtı küşeytuin, sonımen birge jwrtşılıqtıñ mereke kezinde sergektikti arttıruın swrap habarlama tarattı. Bwl turalı «Şinlañ» aqparattıq portalı jazdı.

Bir kün bwrın Singapurdıñ «Lianhe Zaobao» basılımı jäne Gonkongtıñ «Dagong Bao» basılımdarı «Islam memleketi» terrorlıq tobınıñ jaqında jariya etken materialdarı turalı aytadı. Onda AQŞ-tağı «The New York Times» skverinde Santa-Klaus bolıp jasanğan adam kamerağa «Qauipti», «Jarılğış» belgileri bar ağaş jäşikti körsetedi. Sonımen birge jazu jazılğan taqtayşanı körsetedi, onda «Rojdestvoda N'yu-Yorkte kezdesemiz... jaqında!» degen söz jazılğan.

Bwdan bölek, Wlıbritaniya men Franciyağa jiberilgen eki material bar. Onıñ biri jüzinde qan dağı bar pışaqpen Parijdegi Eyfel' mwnarasın nwsqaydı.  Al endi biri Londondağı Regent Street köşesin fon etip alğan. Eki materialda ağılşın, francuz jäne nemis tilderinde «Bwl senderdiñ merekeleriñde boladı» degen söz jazılğan.

BAQ mälimetterine qaraytın bolsaq, «IM» tobı soñğı materialdardı jariyalağan kezde, Germaniya policiya tarauları köptegen qalalarda auqımdı izdestiru men reyd jürgizip, baspana izdep jürgen 6 bosqındı küdikti retinde qamauğa alğan. Bwl altı adamğa rojdestvo kezinde terrorlıq şabuıl jasaudı josparladı degen küdik tağılğanımen, dälel tabılmağandıqtan bosatqan.

“The Qazaq Times”