Körneki suret dailydot.com saytınan alındı

QR Qarjı ministri Baqıt Swltanov Parij qalasınan 75,8 mln dollarğa zäulim üy satıp alğan qazaqstandıq şeneunik turalı tarağan aqparattardı tekseru jwmıstarı jürip jatqanın mälimdedi, dep habarlaydı KTK.

Ministr bwl jañalıqtı estigenin , biraq Parijden zäulim üy satıp alğan adamnıñ kim ekenin bilmeytinin atap ötti. Osılayşa Swltanov vedomstvo qızmetkerleri kiris turalı barlıq deklaraciyanı tekseredi dep sendirdi.

"Biz de bwl jañalıq turalı şeteldik basılımdardan jäne sizderden bildik. Älemde salıq salasındağı aqparattardı almasıp otıru turalı kelisim bar. Memlekettik kirister komitetiniñ reakciyası turalı aytar bolsaq, komitet deklaraciyada körsetilgendey jıl sayın şeteldegi şottar men mülikterdi tekserip otıradı. Sondıqtan deklaraciya boyınşa ol päterdi kim satıp alğanın izdestiretin bolamız", - dedi ol.

Ayta keteyik, bwdan bwrın Mansion Global halıqaralıq jıljımaytın mülik agenttigi Qazaqstan Ükimetiniñ resmi ökili Parijden qwnı  75, 8 million AQŞ dolları (65 million euro)  twratın zäulim üy satıp alğanı turalı aqparat taratqan. Bwl üy osı jılğı eñ qımbatqa bağalanğan üylerdiñ biri bolğan jäne Parijdiñ ataqtı baylar qonıstanğan Golden Triangle dep atalatın audanında ornalasqan.

“The Qazaq Times”