Nazarbaev pen Putin kezdesuinde qanday kelisimder jasaldı?

Reseydiñ Çelyabi qalasında ötken Qazaqstan men Reseydiñ HİV öñiraralıq ıntımaqtastığı forumı kezinde eki el birneşe ıntımaqtasıtq turalı qwjattarğa qol qoydı, dep habarladı Aqordanıñ resmi saytı.

Habarlanğanday, forumnıñ qorıtındısı boyınşa tömendegidey qwjattarğa qol qoyılğan:

- Qazaqstan Respublikası Prezidenti men Resey Federaciyası Prezidentiniñ Qazaqstan Respublikası men Resey Federaciyası arasındağı diplomatiyalıq qarım-qatınastardıñ ornağanına 25 jıl toluına oray birlesken mälimdemesi;

– 1998 jılğı 6 şildedegi Qazaqstan Respublikası men Resey Federaciyası arasındağı Jer qoynauın paydalanuğa arnalğan egemendik qwqıqtardı jüzege asıru maqsatında Kaspiy teñizi soltüstik böliginiñ tübin mejeleu turalı kelisimge Hattamağa qosımşa hattama;

– Qazaqstan Respublikasınıñ Ükimeti men Resey Federaciyasınıñ Ükimeti arasındağı M.V. Lomonosov atındağı Mäskeu memlekettik universitetiniñ Qazaqstan filialınıñ jwmıs isteui turalı kelisim;

– Qazaqstan Respublikasınıñ Ükimeti men Resey Federaciyasınıñ Ükimeti arasındağı «Tuymazı – Ombı – Novosibirsk-2» jäne «Ombı – Pavlodar» magistral'dıq mwnay qwbırlarındağı tehnologiyalıq mwnaydıñ märtebesin ayqındau turalı kelisim;

– 2009 jılğı 17 qaraşadağı Qazaqstan Respublikasınıñ Ükimeti men Resey Federaciyasınıñ Ükimeti arasındağı Resey Federaciyasınıñ «Bayqoñır» keşenin jalğa alu jağdayında «Bayqoñır» ğarış aylağınıñ personalına, Bayqoñır qalasınıñ, Töretam jäne Aqay kentteriniñ twrğındarına medicinalıq qızmet körsetu tärtibi turalı kelisimge özgerister engizu turalı hattama;

– 1994 jılğı 10 jeltoqsandağı Qazaqstan Respublikasınıñ Ükimeti men Resey Federaciyasınıñ Ükimeti arasındağı «Bayqoñır» keşenin jalğa beru şartına özgeris engizu turalı hattama;

– Qazaqstan Respublikasınıñ Ükimeti men Resey Federaciyasınıñ Ükimeti arasındağı 2018-2023 jıldarğa arnalğan öñiraralıq jäne şekara mañı ıntımaqtastığınıñ bağdarlaması;

– «QazTransOyl» akcionerlik qoğamı men «Transneft'» jariya akcionerlik qoğamı arasındağı ıntımaqtastıq turalı memorandum;

– Aqtöbe oblısı äkimdigi men «Russkaya mednaya kompaniya» akcionerlik qoğamı arasındağı Qazaqstan Respublikasınıñ Aqtöbe oblısında investiciyalıq jobalardı iske asıru jönindegi ıntımaqtastıq turalı memorandum;

– «Agrarlıq nesie korporaciyası» akcionerlik qoğamı men «Rossiyskiy eksportnıy centr» akcionerlik qoğamı arasındağı özara tüsinistik turalı memorandum.

“The Qazaq Times”