Foto: Sputnik Kırgızstan

Qırğızstan prem'er-ministri Sapar Isakov Qazaqstan biligin qatañ sınğa aldı.

Bügin Taşkent qalasında ötip jatqan TMD elderi ükimet basşılarınıñ kezekti otırısında Qırğızstan prem'er-ministri Sapar Isakov qazaq-qırğız şekarasındağı dauğa baylanısıtı mälimdeme jasadı. Ol onda: «Qazirgi tañda TMD aymağında erkin sauda aymağı jayında söz qozğau öte qiın. Öytkeni keybir memleketter erkin tauar tasımalı talaptarın orındamay otır. Kün sayın qazaq-qırğız şekarasında 500-600-ge juıq jük köligi Qazaqstanğa öte almay 5-6 sağattap twradı. Qazaqstan tarapı bwl jağdaydı är türli tüsindiredi. Mısalı olar bwnı kontrabandamen küres dep tüsindiredi. Şekaradan öte almay twrğan Qırğızstan jerinde ösirilgen auıl şaruaşılığı önimderin kontrabanda dep atauğa bola ma? Mümkin Qazaqstan arqılı Reseyge bet alğan 80 payız tauardıñ barlığı kontrabanda şığar? Bwnday qoldan jasalğan kedergiler EAEO zañdarına qayşı äri biznesmenderge qarjılay qiındıqtar tuğızadı» - degen.

Öz kezeginde qazaq prem'er-ministri Baqıtjan Sağantaev: «Qırğızstan tarapınıñ bwnday mälimdemeleri şındıqqa janaspaydı. Biz barlığın zañ ayasında jasap otırmız jäne biz bwl mäseleni şeşude qırğız eline birneşe talaptar qoyğanbız. Qazaqstan atalmış mäsele boyınşa, kelissözder jürgizuge dayın» - degen.

Esteriñizge salayıq, bwğan deyin Qazaqstan prem'er-ministri Baqıtjan Sağıntaev Qırğızstan keden qızmetin EAEO elderine jalğan aqparat berude dep ayıptağan bolatın. Onıñ sözinşe, qırğız biligi elge Qıtaydan keletin tauar kölemin üş ese az körsetken.

“The Qazaq Times”