Foto: the-american-interest.com

Resey Qazaqstannıñ latın älipbiine köşuine baylanıstı öz közqarasın bildirdi.

RF sırtqı ister ministriniñ orınbasarı Grigoriy Karasin «Resey-24» telearnasına bergen swhbatında resmi Astananıñ latın älipbiine köşuge baylanıstı qabıldağan şeşimine pikir bildirgen. Ol onda: «Biz bwğan qalıptı jağday retinde qaraymız. Qalay degende de bwl Qazaqstannıñ işki sayasatı. Bizdiñ oğan aralasuğa qwqığımız joq. Aldağı uaqıtta biz Qazaqstanmen aradağı qarım-qatınasımızdı nığayta beretin bolamız. Qazaqstan latın älipbiine ötse de biz orıs tilin latın älipbii negizinde paydalanudı oylastıratın bolamız» - degen.

Bwğan deyin Reseydiñ Qazaqstandağı elşisi Mihail Boçarnikov latın älipbii jayındağı mälimdemesinde: «Qazaqstan orıs tilin resmi til retinde Ata Zañına bekitken sanaulı memleketterdiñ biri. Resey täuelsiz Qazaqstannıñ latın älipbiine köşuine tüsinistikpen qaraydı», - degen bolatın.

Esteriñizge salayıq, Qazaqstan Respublikasınıñ prezidenti Nwrswltan Nazarbaev qazan ayınıñ 27-si küni qazaq tilin kirillicadan latın älipbiine köşiruge baylanıstı zañ jobasına qol qoyğan.

“The Qazaq Times”