Foto: Forbes Kazahstan

Osı jıldıñ 1 qaraşasına deyin licenziya qızmeti toqtatılğan Delta Bank Wlttıq banktiñ bankterdiñ qarjı twraqtılığın arttıru turalı bağdarlamasına qatısuğa nietti.  

Mwnday şeşimge bank akcionerleri kezekten tıs ötkizilgen jinalısta dauıs bergen.

Qazaqstannıñ qor birjasında jariyalanğan qwjatta aytılğanday, eger Wlttıq Bank oñ şeşim qabıldasa, atalğan bank 2,244 milliard akciyanı şığaru arqılı jariyalanğan akciyalarınıñ sanın 2,334 milliard danağa köbeytudi josparlap otır eken.

Ayta keteyik, bwdan bwrın Wlttıq bank birneşe ret «Delta Bank» AQ-tıñ jeke jäne zañdı twlğalardıñ depozitterin qabıldauğa, jeke jäne zañdı twlğalardıñ bank şottarın aşuğa licenziyasın toqtata twru turalı şeşim qabıldağan bolatın.

Sonday-aq, S&P halıqaralıq reyting agenttigi de banktiñ reytingin birneşe ret tömendetip, wzaq merzimdi jäne qısqa merzimdi kredittik reytingin merzimi ötken kreditteriniñ köp boluına baylanıstı "CC/S"-dan "D/D" deñgeyine deyin tömendetken. Sonday-aq, banktiñ wlttıq şkala boyınşa da reytingi "kzCC"-dan "D"-ğa deyin tüsken edi.

“The Qazaq Times”