فوتو: Forbes كازاحستان

وسى جىلدىڭ 1 قاراشاسىنا دەيىن ليتسەنزيا قىزمەتى توقتاتىلعان Delta Bank ۇلتتىق بانكتىڭ بانكتەردىڭ قارجى تۇراقتىلىعىن ارتتىرۋ تۋرالى باعدارلاماسىنا قاتىسۋعا نيەتتى.  

مۇنداي شەشىمگە بانك اكتسيونەرلەرى كەزەكتەن تىس وتكىزىلگەن جينالىستا داۋىس بەرگەن.

قازاقستاننىڭ قور بيرجاسىندا جاريالانعان قۇجاتتا ايتىلعانداي، ەگەر ۇلتتىق بانك وڭ شەشىم قابىلداسا، اتالعان بانك 2,244 ميلليارد اكتسيانى شىعارۋ ارقىلى جاريالانعان اكتسيالارىنىڭ سانىن 2,334 ميلليارد داناعا كوبەيتۋدى جوسپارلاپ وتىر ەكەن.

ايتا كەتەيىك، بۇدان بۇرىن ۇلتتىق بانك بىرنەشە رەت «Delta Bank» اق-تىڭ جەكە جانە زاڭدى تۇلعالاردىڭ دەپوزيتتەرىن قابىلداۋعا، جەكە جانە زاڭدى تۇلعالاردىڭ بانك شوتتارىن اشۋعا ليتسەنزياسىن توقتاتا تۇرۋ تۋرالى شەشىم قابىلداعان بولاتىن.

سونداي-اق، S&P حالىقارالىق رەيتينگ اگەنتتىگى دە بانكتىڭ رەيتينگىن بىرنەشە رەت تومەندەتىپ، ۇزاق مەرزىمدى جانە قىسقا مەرزىمدى كرەديتتىك رەيتينگىن مەرزىمى وتكەن كرەديتتەرىنىڭ كوپ بولۋىنا بايلانىستى "CC/س"-دان "D/D" دەڭگەيىنە دەيىن تومەندەتكەن. سونداي-اق، بانكتىڭ ۇلتتىق شكالا بويىنشا دا رەيتينگى "kzCC"-دان "D"-عا دەيىن تۇسكەن ەدى.

“The Qazaq Times”