Foto: kapital.kz

Euraziyalıq ekonomikalıq odaqqa müşe elder Qazaqstan üşin 1 mlrd dollarınan ayrıldı. Bwl turalı Qırğızstannıñ memlekettik keden qızmeti törağasınıñ orınbasarı Zamirbek Niyazaliev mälimdedi, dep habarlaydı Sputnik Kırgızstan.

Basılımnıñ mälimetinşe, keden organınıñ qızmetkeri, sonday-aq  ekonomika ministri Artem Novikov QR Prem'er-Ministri Baqıtjan Sağıntaevtıñ Qırğıztanğa qarata aytqan mälimdemesin dwrıs emes jäne negizsiz dep esepteydi. Onıñ sözinşe, Qazaqstan ükimetiniñ ädisi boyınşa esep jürgizse, EAEO-nıñ joğaltqan qarajatı tek Qırğızstan üşin ğana emes.

"2016 jılğı Qırğızstan men Qıtay arasındağı statistikalıq ayırmaşılıq 4,1 mlrd dollardı qwradı. Osı kezeñ boyınşa Kazaqstandağı körsetkiş 4,6 mlrd dollardı qwraydı. Eger biz osı täsil boyınşa esepter bolsaq, Qazaqstan tarapınan joğalğan qarjı 1 mlrd dollarğa teñ boladı", - dedi  Niyazaliev.

Sonday-aq, Qırğızstan ükimetiniñ aqparatına sensek, Sağıntaev kedendik bajdıñ joğalğan somasın esepteudiñ naqtı mehanizmin körsetip otırğan joq.

"Eger kedendik baj salığınıñ joğalğan soması Qıtaydan äkelinetin tauarlar kölemine säykes ortaşa kedendik bağa mölşerine köbeytu arqılı esepteletin bolsa, onda joğarıda körsetilgen ädisti qoldanu negizsiz", - delingen basılım habarlamasında.

Ayta keteyik, bwdan bwrın Qazaqstan prem'er-ministri Baqıtjan Sağıntaev qırğız keden qızmetin qatañ sınğa alğan edi. Onıñ sözinşe, Qazaqstan osığan deyin de qırğız keden qızmeti tiisti deñgeyde jwmıs istemeytindigin aytqan jäne osı jolğı qazaq-qırğız şekarasında bolğan daudıñ şığuına bastı sebepker Qırğızstan tarapı. Öytkeni osı uaqıtqa deyin qırğız biligi EAEO elderiniñ özge müşelerine keden qızmeti boyınşa jalğan aqparat berip kelgen. Oğan dälel retinde Sağıntaev mırza soñğı jıldardağı statistikalıq mälimetterdi mısalğa keltirgen bolatın.

“The Qazaq Times”