Foto: inform.kz

Mindetti äleumettik medicinalıq saqtandıru boyınşa halıqqa medicinalıq kömek körsetu 2018 jıldıñ 1 qañtarınan bastalmaydı. QR Densaulıq saqtau ministrligi atalğan jüye boyınşa medkömek körsetu merzimin 2020 jıldıñ 1 qañtarınan bastau turalı şeşim qabıldadı. Atalğan zañ jobası mäjiliste talqılandı.

"MÄMS-ke ötudegi negizgi problema özin özi jwmıspen qamtığandardı anıqtauda bolıp otır. Sondıqtan osığan baylanıstı, sizderdiñ nazarlarıñızğa zañ jobası wsınıladı. Bwl boyınşa MÄMS-ke qatısuşılarğa medicinalıq kömek körsetu merzimin 2020 jıldıñ 1 qañtarı dep jäne jeke twlğalardıñ, qızmetkerlerdiñ, özin-özi jwmıspen qamtığandardıñ,  jeke käsipkerlerdiñ, sonday aq, memlekettiñ (jeñildik qarastırılğan azamattarğa) jarna töleu merzimin 2020 jıldıñ 1 qañtarı dep naqtılau wsınılıp otır", - dedi QR Densaulıq saqtau vice-ministri Läzzat Aqtaeva.

Onıñ sözinşe, azamattıq-qwqıqtıq kelisimşart boyınşa tabıs alatın jeke twlğalardıñ audaratın jarnaları 5%-dan 1%-ğa deyin tömendetiledi. Al jwmıs beruşilerden jinalatın jarna kölemi 1,5% deñgeyinde 2018-2019 jıldar aralığında jalğasadı.

Ayta keteyik, bwdan bwrın Qazaqstan Prezidenti Nwrswltan Nazarbaev mindetti äleumettik medicinalıq saqtandıru jüyesindegi kemşilikterge nazar audarıp, atalğan jüyeni engizuge asıqpauğa şaqırğan edi.

“The Qazaq Times”