Foto: Informacionnoe Agentstvo Kabar

Qazan ayınıñ 25-si küni Qırğızstan parlamentiniñ spikeri Çınıbay Twrsınbekov otstavkağa ketti.

Bügin Qırğız Joğarğı Keñesiniñ kezekti otırısında Çınıbay Twrsınbekov öziniñ otstavkağa ketetindigi jayında aytıp, partiyalastarı men parlament deputattarı aldında söylegen sözinde: «Biıl meniñ sayasatta jürgenime jeti jıl boladı. Osı uaqıt aralığanda men SDPK partiyasınıñ köşbasşısı, Joğarı Keñes spikeri qızmetterin atqardım. Men özimniñ partiyalastarım men el prezidenti Almazbek Atambaevtıñ mağan artqan senimderin aqtadım dep oylaymın. Men spiker bolıp twrğan bir jarım jıl işinde köptegen  zañdar men qwjattar qabıldandı. Jeti jıl işinde biz basımızdan eki revolyuciyanı ötkizdik. Osı jolğı prezidenttik saylau qırğız elinde demokratiya bar ekendigin däleldedi. Bwl saylau elde bilik eşqanday revolyuciyasız aq auısa alatının körsetti. Biraq osı jolğı prezident saylau eldegi sayasi jağdaylardı uşıqtırıp jiberdi. Sol sebepti men öz erkimmen otstavkağa ketudi wyğardım» - degen.

Çınıbek Twrsınbekov Joğarı Keñes spikeri bolıp 2016 jıldıñ säuir ayında tağayındalğan bolatın. Ol spiker bolıp twrğanda el parlamentinde osı uaqıtqa deyin daulı mäsele bolıp kelgen qırğız-özbek şekarasına baylanıstı qwjattar qabıldanğan.

“The Qazaq Times”