فوتو: ينفورماتسيوننوە اگەنتستۆو كابار

قازان ايىنىڭ 25-ءسى كۇنى قىرعىزستان پارلامەنتىنىڭ سپيكەرى چىنىباي تۇرسىنبەكوۆ وتستاۆكاعا كەتتى.

بۇگىن قىرعىز جوعارعى كەڭەسىنىڭ كەزەكتى وتىرىسىندا چىنىباي تۇرسىنبەكوۆ ءوزىنىڭ وتستاۆكاعا كەتەتىندىگى جايىندا ايتىپ، پارتيالاستارى مەن پارلامەنت دەپۋتاتتارى الدىندا سويلەگەن سوزىندە: «بيىل مەنىڭ ساياساتتا جۇرگەنىمە جەتى جىل بولادى. وسى ۋاقىت ارالىعاندا مەن سدپك پارتياسىنىڭ كوشباسشىسى، جوعارى كەڭەس سپيكەرى قىزمەتتەرىن اتقاردىم. مەن ءوزىمنىڭ پارتيالاستارىم مەن ەل پرەزيدەنتى المازبەك اتامباەۆتىڭ ماعان ارتقان سەنىمدەرىن اقتادىم دەپ ويلايمىن. مەن سپيكەر بولىپ تۇرعان ءبىر جارىم جىل ىشىندە كوپتەگەن  زاڭدار مەن قۇجاتتار قابىلداندى. جەتى جىل ىشىندە ءبىز باسىمىزدان ەكى رەۆوليۋتسيانى وتكىزدىك. وسى جولعى پرەزيدەنتتىك سايلاۋ قىرعىز ەلىندە دەموكراتيا بار ەكەندىگىن دالەلدەدى. بۇل سايلاۋ ەلدە بيلىك ەشقانداي رەۆوليۋتسياسىز اق اۋىسا الاتىنىن كورسەتتى. بىراق وسى جولعى پرەزيدەنت سايلاۋ ەلدەگى ساياسي جاعدايلاردى ۋشىقتىرىپ جىبەردى. سول سەبەپتى مەن ءوز ەركىممەن وتستاۆكاعا كەتۋدى ۇيعاردىم» - دەگەن.

چىنىبەك تۇرسىنبەكوۆ جوعارى كەڭەس سپيكەرى بولىپ 2016 جىلدىڭ ءساۋىر ايىندا تاعايىندالعان بولاتىن. ول سپيكەر بولىپ تۇرعاندا ەل پارلامەنتىندە وسى ۋاقىتقا دەيىن داۋلى ماسەلە بولىپ كەلگەن قىرعىز-وزبەك شەكاراسىنا بايلانىستى قۇجاتتار قابىلدانعان.

“The Qazaq Times”