Foto: Today.kz

Osı jıldıñ segiz ayında Oñtüstik Qazaqstan oblısındağı önerkäsip käsiporındarımen 510,1 mlrd teñgeniñ  önimi öndirilgen. Onıñ işinde öñdeu önerkäsibimen 353 mlrd teñgeniñ önimi öndirildi. Bwl turalı oblıstıq käsipkerlik, industrialdı-innovaciyalıq damu jäne turizm basqarmasınıñ basşısı Batırhan Qwrmanseyit mälimdedi, dep habarlaydı OQO äkimdiginiñ baspasöz qızmeti.  

Sonımen qatar, ol öñirde käsipkerlikti qoldau maqsatında Industriyaldı-innovaciyalıq damu bağdarlaması sätti jürgizilip jatqanın atap ötti. Industriyalıq-innovaciyalıq damu bağdarlaması şeñberinde 2015-2019 jıldarı Käsipkerlikti qoldau kartası boyınşa qwnı 1,2 trln teñgege 17,5 mıñnan astam jwmıs ornın qwraytın  135 jobanı iske asıru josparlanğan.

«Qazirgi uaqıtta memlekettik bağdarlamanıñ ayasında 47,7 mlrd teñgeni qwraytın 49 joba iske asırıldı. Onda 1900-den astam twraqtı jwmıs ornı aşıldı. 2017 jılı 37  mlrd. teñgeni qwraytın 17 jobanı iske qosu közdelgen. Esepti kezeñde qwnı 2,3 mlrd. teñgeni qwraytın 5 joba iske qosıldı»,-dedi basqarma basşısı.

Jalpı jıldıñ soñına deyin 34,7 mlrd. teñgeni qwraytın  12 joba iske qosıladı. Bügingi tañda iske qosılğan jobalardıñ 94%-ı josparlıq quattılıqtı igerip, 71 mlrd.teñgeniñ önimin öndirdi. Öñdeu önerkäsibindegi ülesi 21 payızğa jetken.

Bwdan bölek, Batırhan Qwrmanseyit «Oñtüstik»  arnayı ekonomikalıq aymağında jalpı investiciya somması 34,3 mlrd teñgeni qwraytın 10 joba jüzege asırılğanın atap ötti.  YAğni bwl käsiporındarmen 22,7 mlrd teñgege önim öndirilse, öndirilgen tauarlar Germaniya, Angliya, Koreya, Türkiya, Resey sındı 15-ten astam elderge eksporttalğan. Atalğan aymaqta osı jıldıñ soñında jalpı investiciya kölemi 2,6 mlrd teñge qwraytın 3 joba iske qosıladı dep kütilude.

“The Qazaq Times”