فوتو: Today.kz

وسى جىلدىڭ سەگىز ايىندا وڭتۇستىك قازاقستان وبلىسىنداعى ونەركاسىپ كاسىپورىندارىمەن 510,1 ملرد تەڭگەنىڭ  ءونىمى وندىرىلگەن. ونىڭ ىشىندە وڭدەۋ ونەركاسىبىمەن 353 ملرد تەڭگەنىڭ ءونىمى ءوندىرىلدى. بۇل تۋرالى وبلىستىق كاسىپكەرلىك، يندۋستريالدى-يننوۆاتسيالىق دامۋ جانە تۋريزم باسقارماسىنىڭ باسشىسى باتىرحان قۇرمانسەيىت مالىمدەدى، دەپ حابارلايدى وقو اكىمدىگىنىڭ ءباسپاسوز قىزمەتى.  

سونىمەن قاتار، ول وڭىردە كاسىپكەرلىكتى قولداۋ ماقساتىندا يندۋستريالدى-يننوۆاتسيالىق دامۋ باعدارلاماسى ءساتتى جۇرگىزىلىپ جاتقانىن اتاپ ءوتتى. يندۋستريالىق-يننوۆاتسيالىق دامۋ باعدارلاماسى شەڭبەرىندە 2015-2019 جىلدارى كاسىپكەرلىكتى قولداۋ كارتاسى بويىنشا قۇنى 1,2 ترلن تەڭگەگە 17,5 مىڭنان استام جۇمىس ورنىن قۇرايتىن  135 جوبانى ىسكە اسىرۋ جوسپارلانعان.

«قازىرگى ۋاقىتتا مەملەكەتتىك باعدارلامانىڭ اياسىندا 47,7 ملرد تەڭگەنى قۇرايتىن 49 جوبا ىسكە اسىرىلدى. وندا 1900-دەن استام تۇراقتى جۇمىس ورنى اشىلدى. 2017 جىلى 37  ملرد. تەڭگەنi قۇرايتىن 17 جوبانى ىسكە قوسۋ كوزدەلگەن. ەسەپتى كەزەڭدە قۇنى 2,3 ملرد. تەڭگەنى قۇرايتىن 5 جوبا ىسكە قوسىلدى»،-دەدى باسقارما باسشىسى.

جالپى جىلدىڭ سوڭىنا دەيىن 34,7 ملرد. تەڭگەنى قۇرايتىن  12 جوبا ىسكە قوسىلادى. بۇگىنگى تاڭدا ىسكە قوسىلعان جوبالاردىڭ 94%-ى جوسپارلىق قۋاتتىلىقتى يگەرىپ، 71 ملرد.تەڭگەنىڭ ءونىمىن ءوندىردى. وڭدەۋ ونەركاسىبىندەگى ۇلەسى 21 پايىزعا جەتكەن.

بۇدان بولەك، باتىرحان قۇرمانسەيىت «وڭتۇستىك»  ارنايى ەكونوميكالىق ايماعىندا جالپى ينۆەستيتسيا سومماسى 34,3 ملرد تەڭگەنى قۇرايتىن 10 جوبا جۇزەگە اسىرىلعانىن اتاپ ءوتتى.  ياعني بۇل كاسىپورىندارمەن 22,7 ملرد تەڭگەگە ءونىم وندىرىلسە، وندىرىلگەن تاۋارلار گەرمانيا، انگليا، كورەيا، تۇركيا، رەسەي سىندى 15-تەن استام ەلدەرگە ەكسپورتتالعان. اتالعان ايماقتا وسى جىلدىڭ سوڭىندا جالپى ينۆەستيتسيا كولەمى 2,6 ملرد تەڭگە قۇرايتىن 3 جوبا ىسكە قوسىلادى دەپ كۇتىلۋدە.

“The Qazaq Times”