foto: ft.com

Kelesi jıldan bastap Germaniyanıñ "Daimler" qaramağındağı "Mercedes-Benz" siyaqtı ülken injenerlik kompaniyalar aptasına 28 sağat jwmıs isteydi, - dep habarlaydı CNN aqparat agenttigi.

Osı mäselege baylanıstı Germaniyanıñ oñtüstik-batısındağı 700-den astam kompaniya ökilderimen kelissözder jürgizildi. "Manulife Asset Management" kompaniyasınıñ bas ekonomisi "Bwl özgeris jalpığa ortaq standarttardı engizedi" deydi.

Germaniya käsipodağı "IG Metall"-dıñ mälimdeuinşe, jwmıs uaqıtınıñ qısqaruı qızmetkerlerge jaqındarımen köbirek uaqıt ötkizuge mümkindik beredi. Jwmıs uaqıtınıñ 28 sağatqa qısqaruı sebebinen qızmetkerler jalaqısı da azayadı. Degenmen, köbirek jwmıs istep, köbirek aqşa tabam degenderge bwrınğıday aptasına 40 sağat jwmıs isteuge bolatın körinedi.

"Daimler" 28 sağattıq jwmıs rejimine 2019 jıldan bastap köşetinin habarladı. Al 138 mıñ adamdı jwmıspen qamtamasız etip otırğan germaniyalıq "Bosch" qazirdiñ özinde qızmetkerlerine 100-ge juıq jwmıs model'derin wsınadı. Kompaniya hatşısı Simon Schmitt-tıñ aytuınşa,  jwmıs uaqıtın 28 sağatqa qısqartqan künniñ özinde de, "Bosch" qızmetkerleriniñ eñbekaqısın azaytpaydı.

Jwmısşılar associaciyası "Südwestmetall" hatşısı - Folke Ştaynmeye (Volker Steinmaier) "bwl özgeris keybir kompaniyalarğa qiın soğadı, sebebi jwmıs sağatı qısqarsa, eñbek önimdiligi de tömendeydi. Qızmetkerler köbirek tabıs tabu üşin qosımşa jwmıs isteytinderi anıq" degen.

“The Qazaq Times”