foto: guardian.ccom

Ispaniyada Kataloniyanıñ täuelsizdigine qarsı köterilister bastaladı dep kütilude. Ispaniyanıñ twtastığın qoldau qozğalısı el astanası Madrid pen Kataloniyanıñ ortalığı Barselonada jäne özge de qalalarda qarsılıq şarasın wyımdastırıp jatır. Bwl turalı VVS aqparattıq agenttigi jazdı. 

Osıdan aldın Ispaniyanıñ bilik ökilderi Kataloniya halqınan referendumğa tosqauıl boluğa tırısqan policiya qızmetkerleriniñ dörekiligi üşin keşirim swradı. Degenmen olar Kataloniyanıñ täuelsizdik jariyalauı Konstituciyağa qayşı keletin zañsız äreket degen oyların özgertken joq.

Kataloniyanıñ Prezidenti Karls Pudjemont Täuelsizdik turalı Deklaraciyanı qabıldau üşin jergilikti Parlamenttiñ qarauına joldağan bolatın. Biraq Ispaniyanıñ Joğarğı Konstituciyalıq Sotı düysenbi künge josparlanğan Kataloniya Parlamentiniñ basqosuın ötkizuge tıyım saldı. Endi aldağı aptanıñ seysenbisinde Karls Pudjemont Kataloniya Parlamentiniñ qabıldauına keledi dep josparlanğan.

Kataloniyanıñ bwrınğı basşısı Artur Mas Financial Times basılımına bergen swhbatında avtonomiyalıq öñirdiñ täuelsizdikke dayın emestigin aytqan. Ispaniyanıñ bilik ökilderiniñ biri qalıptasqan jağdaydı oñtaylı şeşu üşin, jalpı halıqtıq dauıs berudi qayta wyımdastıru turalı wsınıs aytqan bolatın. Ispaniya tarapınan qabıldanbağan ötken jeksenbidegi referendum qorıtındısı boyınşa 2,3 mln adam nemese dauıs bergenderdiñ 90 payızı täuelsiz memleket boludı qoldaytındarın bildirgen.

“The Qazaq Times”