Foto: sputnik-georgia.com
Qazaqstan Gruziyağa  elektrovozdardı, avtobustardı jäne basqa da kommunaldıq tehnikalardı jetkizuge qızığuşılıq bildirip otır. Bwl turalı QR Investiciyalar jäne damu ministrliginiñ baspasöz qızmeti habarladı. 

Vedomstvonıñ mälimetinşe, 2017 jıldıñ 6 qazanında Tbilisi (Gruziya) qalasında sauda-ekonomikalıq ıntımaqtastıq jönindegi Qazaqstan-Gruzin Ükimetaralıq komissiyasınıñ 9-şı otırısı ötken.

Sonımen qatar, otırıs barısında Qazaqstan öñdelgen agroönerkäsip keşen önimderin, metallurgiyalıq önerkäsip pen qwrılıs materialdarın jäne basqa da önimderdi jetkizu isin wyımdastıruğa müddeli ekenderin jetkizgen.

Ministrlik habarlağanday, 2017 jıldıñ 7 ayınıñ qorıtındısı boyınşa Qazaqstan men Gruziya arasındağı sırtqı sauda aynalım 2016 jıldıñ säykes kezeñimen salıstırğanda 39,1%-ğa artıp, 32,4 mln AQŞ dolların qwrağan.

Eksport 19,3 mln dollar (ösim 90% nemese 10,6 mln dollar), import – 13,1 mln dollar (körsetkiş 13,3 mln dollarğa nemese 1,5%-ğa tömen ).

2017 jıldıñ 1 qırküyegindegi jağday boyınşa Qazaqstanda gruzindikterdiñ qatısuımen 221 zañdı twlğa, filialdar men ökildikter tirkelgen. Olardıñ 114-i jwmıs isteydi.

2005 jıl men 2017 jıldıñ 1 qırküyegi aralığında Gruziyadan Qazaqstanğa kelgen tikeley investiciya ağını 39 mln AQŞ dolların qwradı, al, keri investiciya 344,4 mln AQŞ dollar.

“The Qazaq Times”