Foto: Getty Images

Soñğı kezderi Egipettiñ Soltüstik Koreyadan qaru satıp alğanı turalı derekter men eldegi adam qwqıqtarınıñ jii bwzıluı jönindegi aqparattar AQŞ äriptestik qoldauın jalğastırıp keledi. Ötken jeksenbide Washington Post basılımı Egipettiñ käsipkerleri Soltüstik Koreyadan 30 mıñğa juıq zımıran jarılğıştar satıp alğanın jazdı. BWW bwl äreketti KHDR-ğa qarsı salınğan sankciyalarğa qaramastan jasalğan eñ ülken sauda kelisimi ekenin aytıp, dabıl qaqtı. 

BWW-nıñ  mälimetinşe, käsipkerler tasımaldağan zımıran jarılğıştar Egipet äskeriniñ qajettiligin öteu üşin alınğan. Egipettiñ AQŞ-tağı elşisi BWW-ğa kontrabandisterdi tauıp, qwrıqtau isine kömektesuge dayın ekendigin jetkizdi.

Washington Post basılımı "Donal'd Tramp äkimşiliginiñ  tamız ayında Egipetke bağıttalğan qwnı  300 mln dollar bolatın äskeri kömekti beruden bas tartuı  onıñ AQŞ-tıñ bastı jauı Soltüstik Koreyamen jasırın baylanısınan boldı" dep jazdı.

Sonday-aq Egipettegi söz bostandığına qoyılğan qatañ şekteuler men azamattıq qoğamdıq birlestikter qwru erkindiginiñ joqtığı adam qwqıqtarın bwzıp otırğanı turalı Human Rights Watch wyımı toqtausız aytıp kelse de, Amerika ädettegi äreketine baspay, Egipetke qarsı jazalau şarasın qoldanğan joq. Kaliforniya universitetiniñ Tayau şığıs tarihı boyınşa professorı Djeyms Gel'vin AQŞ özi qoldağısı kelgen eldiñ barlıq qatelikterine köz jwmıp qaraytının aytadı.

AQŞ 1979-2017 jıldarı aralığında jıl sayın  Egipetke 1,6 mlrd dollar kömek berip kelgen. Sonday-aq Egipet Auğanstan men Izrail'den keyingi Amerikadan qaru-jaraq pen äskeri kömek alatın üşinşi memleket. Sarapşılar Egipettiñ tamız ayında  10 mln dollar bolatın äskeri kömekten qağıluı älemge körsete jasalğan "jasandılıq" dep esepteydi.

AQŞ qanday payda köredi?

Tayau şığıs mäselesi boyınşa sarapşı Robert Sprinborg AQŞ-tıñ Egipetke berip otırğan kömegi, onıñ  Izrail'ge qarsı soğısın toqtatuğa mümkindik beretinin aytadı. Sonday-aq, Egipettiñ äue keñistigine erkin kiruge rwqsat alğan AQŞ Suec kanalındağı äskeri quatın arttıra aladı. 1,3 mln amerikalıq qaru-jaraq şığaratın qorğanıs kompaniyalarınıñ öndiris alañdarında jwmıs isteydi. Bwl AQŞ-tağı jwmıssızdıq deñgeyin birşama tömendetedi.

AQŞ pen Egipet arasında ekijaqtı kelisimder de bar. Mäselen, Egipettegi dekmokratiyalıq qwndılıqtardıñ damuına kömektesui üşin, jergilikti bilik amerikalıq qoğamdıq birlestikterdiñ jwmısına aralaspaydı.

Djeyms Gel'vin "äskeri kömek" degen ataumen älemniñ qaru-jaraq öndiruden alğaşqı bestigine kiretin AQŞ "öziniñ äskeri tehnikasın Egipetke saudalap otırğanın aytadı. Sarapşılardıñ sözine qarağanda, Amerika üşin Egipettegi twraqtılıq mañızdı. Öytkeni bwl öñirdiñ beybitşiligi AQŞ ekonomikasına aqşa tüsiretin Tayau şığıs elderiniñ ekonomikasınıñ qalıptı boluına alıp keledi.

“The Qazaq Times”