Iran men AQŞ qayşılığı küşeyip keledi. foto: il Caffè.

Halıqaralıq Adam qwqığın qorğau wyımı (HRW) «Iran Süriyadağı terrorizmge qarsı küreste auğanstandıq balalardı paydalanıp otır» dep jazğırğan bolatın. Bwnı Iran jaq qabılday almay, Halıqaralıq adam qwqığın qorğau wyımın AQŞ-tı jaqtap, Iranğa qarsı közqarasta dep jazğırdı. Bwl turalı sol eldiñ «Pars.Aqparat» agenttigi resmi saytında jazğan edi.

Ötken aptanıñ soñında atalğan wyım mälimet taratıp Iranda panalap jürgen auğanstandıq migranttardı «Iran ükimeti Süriyadağı soğısqa aydap salıp otır» dep ayıptağan bolatın. Aytalıq mälimette «Auğanstannan Iranğa panalay barğan balalardı Iranğa kömektesu üşin Süriyadağı lañkesterge qarsı küreste paydalanğan» delingen. Osıdan bwrın AQŞ Memlekettik departamenti Irandı adam saudasımen aynalısqan degen mälimetterdi taratqan edi. Bwğan qarsı Iran jaq «Halıqaralıq Adam qwqıqtarın qorğau wyımı Iranğa qarsı AQŞ-pen astasıp otır» dep jazğırdı.

Osı atalğan pikirlerge qarsı Iran Sırtqı ister ministrligi arnaulı jauap joldağan. Onda bılay delingen: «Adam saudasınıñ negizgi qaynarın özge elderge näsildik jäne lañkestik äreketer alıp kiruden, özgelerdiñ sayasatına aralasuşılıqtan, şapqınşılıq sayasattan izdeu kerek. Osılardan kelip şığatın elderdi jappay küyretip tozdırğan soğıstardan izdeu kerek. Osınıñ köbin AQŞ pen onıñ odaqtastarı jasap otır». Bwl Iran SİM baspasöz hatşısınıñ sözi.

Bwl Iran ükimetiniñ AQŞ pen Adam qwqığın qorğau halıqaralıq wyımına qarsı aytqan uäji bolıp otır. Bwl pikirden özge AQŞ pen Iran arasındağı qayşılıq barğan sayın örşip keledi. Iran AQŞ-tıñ sırtqı sayasatımen mülde kelise almastay, qattı bekimderge keluge deyin bardı.

“The Qazaq Times”