Foto: lenta.ru

Germaniyada Parlament saylauı bastaldı. Bügin tañğı 8-00 men keşki 18-00 aralığında Germaniyadağı kämelettik jasqa tolğan 61,5 mln adam aldağı tört jıl boyı Bundestagta (Germaniyanıñ Wlttıq Parlamenti) otıratın partiyalar men memlekettiñ bas kanclerin tañdaydı. Bwl turalı VVS aqparattıq agenttigi jazdı. 

Germaniyanıñ  Ükimet basşısı lauazımına negizgi tartıs 2005 jıldan beri osığan deyin üş merzim qatarınan kancler bolğan, Hristian Demokratiyalıq partiyasınıñ müşesi Angela Merkel' men Social-Demokrattar partiyasınıñ ökili Martin Şul'zdıñ arasında boladı. Angela Merkel'diñ törtinşi ret qayta jeñiske jetetinine degen senim basım bolğanımen, 2015 jılı onıñ Euroodaq elderiniñ şekarasın bosqındarğa aşu turalı şeşimi jergilikti halıqtıñ narazılığın tudırıp, sayasi bedeline nwqsan keltirgeni jasırın emes.

Martin Şul'z saylaualdı kampaniyasında Angela Merkel'diñ sayasatın qatañ sınağan eñ bastı qarsılastardıñ biri. Bwrın EuroParlamentti basqarğan azamattan ümit kütetinder de az emes.

Joğarıda atalğan eki kandidattan bölek, Islamğa qarsı Germaniya Al'ternativası (anti-Islam Alternative for Germany) partiyası wsınğan Alisa Veydel' men Aleksandr Gauland bar.

Saylauğa Germaniya kancleri boluğa ümitker tört azamattıñ Bundestagtağı joğarı üles salmaqqa ie partiyalarınan bölek, Solşıldar (Die Linke (the Left)), Jasıldar (the Greens), Erkin Demokrattar (the Free Democrats (FDP)) qatısadı.

“The Qazaq Times”