Foto: defensor.kz

Energetika öndiruşi kompaniyalardıñ  "Qaztransgaz Aymaq" AQ aldındağı qarızı 3,8 mlrd teñgeni qwraydı. Bwl turalı Ükimet otırısında QR Energetika ministri Qanat Bozımbaev mälimdedi. 

Ministrdiñ sözinşe, Oñtüstik Qazaqstan oblısınıñ qarızı 2,3 mlrd teñge bolğandıqtan osı jıldıñ 27 naurızınan bastap Şımkent jılu energiya ortalığına gaz jetkizu toqtatılğan. Sonday-aq, şilde-tamız aylarında kompaniyanıñ esep ayırısu şottarı bwğattaladı. Keyin üşjaqtı kelisim boyınşa 805 mln teñge tölengen soñ, şottar qayta aşılğan.

"Qalğan 1,5 mlrd teñge mölşerindegi qarızdı jılıtu mausımı bastalğanğa deyin öteu josparlanğan. Osığan baylanıstı biz aymaqtıñ jetekşiliginen osı mäseleni baqılauğa aludı swraymız, öytkeni altı aydan beri JEO jwmısı toqtatılğan", - dedi Qanat Bozımbaev.

Degenmen ministrdiñ sözinşe, eldegi gaz tasımaldau infraqwrılımınıñ ob'ektileri twraqtı rejimde jwmıs isteydi jäne ob'ektilerde tehnikalıq qızmet körsetu kestelerge say jüzege asırıladı. Sonday-aq, ministrdiñ sözine sensek, Qazaqstannıñ energetikalıq käsiporındarınıñ küzgi-qısqı kezeñge dayındıq jwmıstarı ayaqtaluğa jaqın.

Bwdan bölek, vedomstvo basşısı 2017 jılı 10 energobloktı, 61 energetikalıq qazandıqtı jäne 49 turbinanı jöndeu josparlanğanın atap ötti. 2017 jılğı qırküyek ayınıñ basında 4 energoblokta, 28 qazandıqta jäne 22 turbinada jwmıs ayaqtalğan. 4 energoblokta, 30 qazandıqta jäne 21 turbinada jöndeudiñ ärtürli kezeñinde jwmıstar äli ayaqtalmağan.

“The Qazaq Times”