QR Prezidenti Nwrswltan Nazarbaev. Foto: Forbes Kazahstan

Qazaqstan Prezidenti Nwrswltan Nazarbaev mindetti äleumettik medicinalıq saqtandıru jüyesindegi kemşilikterge nazar audarıp, atalğan jüyeni engizuge asıqpauğa şaqırdı. 

"Özin jwmıspen qamtığan 3 million adam medicinalıq saqtandırusız qalayın dep twr. Sosın olar bizge ne aytadı? Odanda osınday negizgi mäselelerdi şeşeyik. Men tağı aytamın, bwğan biz progressivti türde ötetin şığarmız, men bwğan qarsı emespin. Alayda tağı sürinip ketpeyik. Solay emes pe...(...). Eger bizde osınday swraqtar tuındap twrsa, sizder nege "medicinalıq saqtandıruğa"ötemiz  dep aytasızdar?", - dedi Prezident Parlamenttiñ qos palatasınıñ birikken otırısında Prem'er Baqıtjan Sağıntaev pen Densaulıq saqtau ministri Eljan Birtanovqa qarata söylegen sözinde.

"Halıqtıñ bir böligi medicinalıq qızmetti tegin alıp jatqanda, men nege töleuim kerek?" dep aytadı ğoy. Mwnı retteu kerek. Qaşan retteledi, biz sol kezde Parlamentpen jäne sizdermen birge bwl mäselege qatıstı şeşimdi qabıldaymız. Men dwrıs aytıp otırmın ba?", - dep swraq qoydı Prezident ükimet ökilderine.

Ayta keteyik, Mindetti äleumettik medicinalıq saqtandıru jüyesi 2017 jıldıñ 1 şildesinen bastap küşine endi. Medsaqtandıru qorına äzirge jwmıs beruşiler men käsipkerler jarna audarıp jatır. 30 tamız küni Medicinalıq saqtandıru qorı audarılğan qarajattıñ 5,44 mlrd teñgeden asqanın habarlağan edi.

Eskeretin jayt, MÄMS jüyesi engizilmey twrıp keybir ekonomister bwl jüyeni engizu Qazaqstan üşin tiimsiz ekenin aytqan.

Sonday-aq, Prezidenttiñ qoldauına ie bola almağan zañ jobası tek bwl ğana emes. 2016 jılı da Jer kodeksine qatıstı şikilikter şığıp, Nwrswltan Nazarbaev kodekstegi birqatar normağa moratoriy jariyalağan edi.