Foto: 24SMI

Germaniya kancleri Angela Merkel' 2015 jılı qabıldağan Europa memleketteriniñ şekarasın bosqındar üşin aşu turalı şeşimine ökinbeytinin jetkizdi. Bwl turalı Reuters aqparat agenttigi jazdı. 

Angela Merkel' Welt am Sonntag basılımına bergen swhbatında Süriya men Iraktan bosqındardı qabıldau turalı şeşimi onıñ qarsılastarınıñ sanın arttırıp, sayasi qoldaudıñ tömendeuine äkelgenimen, ol üşin ökinbeytinin jetkizdi.

"Men 2015 jılı qabıldağan barlıq mañızdı şeşimderimdi özgertpesten qayta qabıldar edim. Köp qarsılıqqa wşırağan bwl şeşimdi men sayasi jäne gumanitarlıq twrğıdan dwrıs dep tapqandıqtan, qabıldadım", - dedi ol.

24 qırküyekte ötetin saylau aldında jasalğan saualnama nätijesinde, Angela Merkel'diñ partiyası özge sayasi opponentterimen salıstırğanda, basım dauısqa ie bolğanımen, qazirgi halıqtıñ qoldau deñgeyi 2013 jılğı saylau kezindegi körsetkişten äldeqayda tömen.

Angela Merkel' men onıñ partiyasınıñ bedeli ötken jılı kelgen bosqındardıñ sanı 280 mıñğa tüsip, biıl nebäri 106 mıñ azamat elge qabıldanğannan keyin qayta qalpına kele bastadı.

“The Qazaq Times”