فوتو: 24سمي

گەرمانيا كانتسلەرى انگەلا مەركەل 2015 جىلى قابىلداعان ەۋروپا مەملەكەتتەرىنىڭ شەكاراسىن بوسقىندار ءۇشىن اشۋ تۋرالى شەشىمىنە وكىنبەيتىنىن جەتكىزدى. بۇل تۋرالى Reuters اقپارات اگەنتتىگى جازدى. 

انگەلا مەركەل Welt am Sonntag باسىلىمىنا بەرگەن سۇحباتىندا ءسۇريا مەن يراكتان بوسقىنداردى قابىلداۋ تۋرالى شەشىمى ونىڭ قارسىلاستارىنىڭ سانىن ارتتىرىپ، ساياسي قولداۋدىڭ تومەندەۋىنە اكەلگەنىمەن، ول ءۇشىن وكىنبەيتىنىن جەتكىزدى.

"مەن 2015 جىلى قابىلداعان بارلىق ماڭىزدى شەشىمدەرىمدى وزگەرتپەستەن قايتا قابىلدار ەدىم. كوپ قارسىلىققا ۇشىراعان بۇل شەشىمدى مەن ساياسي جانە گۋمانيتارلىق تۇرعىدان دۇرىس دەپ تاپقاندىقتان، قابىلدادىم", - دەدى ول.

24 قىركۇيەكتە وتەتىن سايلاۋ الدىندا جاسالعان ساۋالناما ناتيجەسىندە، انگەلا مەركەلدىڭ پارتياسى وزگە ساياسي وپپونەنتتەرىمەن سالىستىرعاندا، باسىم داۋىسقا يە بولعانىمەن، قازىرگى حالىقتىڭ قولداۋ دەڭگەيى 2013 جىلعى سايلاۋ كەزىندەگى كورسەتكىشتەن الدەقايدا تومەن.

انگەلا مەركەل مەن ونىڭ پارتياسىنىڭ بەدەلى وتكەن جىلى كەلگەن بوسقىنداردىڭ سانى 280 مىڭعا ءتۇسىپ، بيىل نەبارى 106 مىڭ ازامات ەلگە قابىلدانعاننان كەيىن قايتا قالپىنا كەلە باستادى.

“The Qazaq Times”