Qarlı taudıñ barıstarı. Foto: blogspot.com.

Qırğızstanda eki künge jalğasqan «Barıs qorğau forumı» keşe märesine jetti. Forum barıstar men ekojüyeni qorğaudı küşeytu, sonımen birge Halıqaralıq ekologiyalıq ortanı qorğau qoğamınıñ nazarın twqımı qwruğa tayağan barıstı qorğauğa audaru maqsatında ötkizilip otır. Bwl turalı BBC habarlap otır.

Forumğa qar barısı tirşilik etetin 12 eldiñ orta qorğau wyımdarınıñ ökilderi qatıstı. Qazaq elinen, Qırğızstannan, Päkistan men Täjikstannan Qıtay jäne Monğoliyadan ökilder qatısqan bwl şaranıñ qoldauşısı qırğız basşısı Almazbek Atambaev bolıp otır. Olar barıstardıñ sanınıñ jıldan jılğa azayıp bara jatqanına jäne onıñ sebepterine toqtaldı.

Tautekesin aulğan barıs. Foto: Asia Russia Daily.

Älemdegi barıstıñ jalpı sanı 8 mıñğa jeter jetpes qana. Al, soñğı 9 jıl işinde brakon'erler jağınan 450-ge juıq qar barısı aulanğan. Barıstıñ bağalı terisi men tis-tırnağına deyin brakon'erlerdi özine tartuda. Qıtay, Ündistan, Päkistan, Täjikstan jäne Auğanstanda eñ köp aulanğan.

Barıstar jer betinen twqımı qwrıp bara jatqan januarğa jatadı. Teñiz deñgeyinen 1000 metrden 5400 metr biiktiktegi qarlı taularda ömir süredi. Onı bir elderde "qar barısı" dese, qırğız-özbek "aq ilbis" dep ataydı. Qazaqstanda barıstıñ sanı 200-den arı aspaydı. Eñ köbi Tibet üstirtinde mekendeydi. Alayda Qıtay jerinde köbinese barıstar men qabılandar aralas mekendeydi jäne mekenderge talasıp qaladı.

“The Qazaq Times”