Arab bayınıñ avtoköligindegi qabılan Foto: pinterest.com

Arab Birikken Ämirliginiñ biligi arıstan, jolbarıs, qabılan t.b. iri mısıq twqımdas januarlardı üy januarı retinde asırauğa tiım saldı.

Bwl künde Arabiya sındı mwnaylı eldiñ bay twrğındarında qabılan, arıstan, jolbarıs sındı jırtqıştardı asırau bet-bedel men ataq-abroydıñ belgisi sanau dästürge aynalğan. Alayda endigi jerde bwnday baylar osı isteri üşin köp mölşerdegi ayıp pwl töleuine tura keledi. Tipti bas bostandığınan ayırıluı da mümkin.

Osıdan bwrın adamdar äleumettik jelilerden arab bay-bağlandarınıñ iri mısıq twqımdas jırtqıştardı jetektep seyildep jürgen suretterin köruge bolatın. Tipti, avtoköliktiñ orındığında otırğan arıstandardı da köretin edi. Qazan ayında Dubay jağajayında asır salğan jolbarıstıñ mäulenderi tüsirilgen video äleumettik jelini şarlap, jeli twtınuşılarınıñ qızığuşılığın tudırğan bolatın.

Ärine, ABÄ-niñ biligi osı jırtqıştardıñ qoğamdıq qauipsizdikke qater töndiruinen alañdaydı. Atqaruğa berilgen soñğı zañdarına säykes, «Kez-kelgen jeke twlğanıñ jabayı añdardıñ barlıq türin, jırtqış añdardı, qolğa üyretilgen adam ömirine qater töndiretin januarlardı asırauğa, tamaqtandıruğa bolmaydı». Osı zañ boyınşa mwnday añdardı asırau tolımdılığı Zoopakterde, jabayı hayuanattar qorığında, cirk nemese zertteu ortalıqtarına ğana berilgen. Eger bwl zañdı bwzğan jeke twlğalar anıqtalsa 6 ayğa deyin bas bostandığınan ayıru jäne 500 mıñ dirhan (13,6 mıñ AQŞ dollar) ayıp pwl salınadı. Eger jırtqış januarlardı basqalardı qorqıtu üşin paydalanılsa ayıp pwlı 700 mıñ dirhanğa deyin joğarlaydı.

"The Qazaq Times"