Pavlodarda Twrğın üy qwrılıs jinaq bankiniñ 106 salımşısı «Nwrlı jol» bağdarlaması arqılı päter kiltin aldı. Bwl turalı banktiñ baspasöz qızmeti habarladı. 

Banktiñ mälimetinşe, «Nwrlı jol» bağdarlamasınıñ ayasında 9 qabattı eki üy paydalanuğa berilgen. Bir şarşı metriniñ bağası 140 000 teñgeni qwraydı. Baspanağa ie bolu üşin bank klientterine päter qwnınıñ 30%-na teñ somanı esep-şottarında jinau kerek. Jetpeytin qarajattı TÜQJB jıldıq mölşerlemesi jeñildikti 5%-dı qwraytın zaem türinde beredi.

Jaña päter ielerine kiltti oblıs äkimi Bolat Baqauov pen TÜQJB Pavlodar oblıstıq filialınıñ direktorı Talğat Bayılov tapsırdı.

Banktiñ aqparatınşa, qazirgi uaqıtta Pavlodar oblısınıñ ärbir 15-şi twrğını üyge dep aqşa jinaydı. Jinaq qorınıñ jalpı soması 21,6 mlrd teñgeni qwraydı. Olar üşin jaqın uaqıtta Twrğın üy qwrılıs jinaq bankiniñ jelisi boyınşa qoljetimdi bağamen tağı 755 päter salınatın boladı.

Sonımen qatar aymaqta «Nwrlı jer» bağdarlamasınıñ ayasında jeke twrğın üylerdiñ qwrılısı bastaldı. Qazir arnayı osı joba üşin Pavlodarda, Aqsuda jäne Ekibastwzda 1 430 jer telimi bölinip otır.

“The Qazaq Times”