پاۆلوداردا تۇرعىن ءۇي قۇرىلىس جيناق بانكىنىڭ 106 سالىمشىسى «نۇرلى جول» باعدارلاماسى ارقىلى پاتەر كىلتىن الدى. بۇل تۋرالى بانكتىڭ ءباسپاسوز قىزمەتى حابارلادى. 

بانكتىڭ مالىمەتىنشە، «نۇرلى جول» باعدارلاماسىنىڭ اياسىندا 9 قاباتتى ەكى ءۇي پايدالانۋعا بەرىلگەن. ءبىر شارشى مەترىنىڭ باعاسى 140 000 تەڭگەنى قۇرايدى. باسپاناعا يە بولۋ ءۇشىن بانك كليەنتتەرىنە پاتەر قۇنىنىڭ 30%-نا تەڭ سومانى ەسەپ-شوتتارىندا جيناۋ كەرەك. جەتپەيتىن قاراجاتتى تۇقجب جىلدىق مولشەرلەمەسى جەڭىلدىكتى 5%-دى قۇرايتىن زاەم تۇرىندە بەرەدى.

جاڭا پاتەر يەلەرىنە كىلتتى وبلىس اكىمى بولات باقاۋوۆ پەن تۇقجب پاۆلودار وبلىستىق فيليالىنىڭ ديرەكتورى تالعات بايىلوۆ تاپسىردى.

بانكتىڭ اقپاراتىنشا، قازىرگى ۋاقىتتا پاۆلودار وبلىسىنىڭ ءاربىر 15-ءشى تۇرعىنى ۇيگە دەپ اقشا جينايدى. جيناق قورىنىڭ جالپى سوماسى 21,6 ملرد تەڭگەنى قۇرايدى. ولار ءۇشىن جاقىن ۋاقىتتا تۇرعىن ءۇي قۇرىلىس جيناق بانكىنىڭ جەلىسى بويىنشا قولجەتىمدى باعامەن تاعى 755 پاتەر سالىناتىن بولادى.

سونىمەن قاتار ايماقتا «نۇرلى جەر» باعدارلاماسىنىڭ اياسىندا جەكە تۇرعىن ۇيلەردىڭ قۇرىلىسى باستالدى. قازىر ارنايى وسى جوبا ءۇشىن پاۆلوداردا، اقسۋدا جانە ەكىباستۇزدا 1 430 جەر تەلىمى ءبولىنىپ وتىر.

“The Qazaq Times”