"Indianapolis" Foto: The New York Times.

Bügin älemdik aqparat közderi 72 jıldıñ aldında joğalıp ketken AQŞ-tıñ äskeri kemesiniñ tabılğanı turalı habarlauda. 1945 jılı 30 mausımda Tınıq mwhitında suğa batqan «Indianapolis» attı kreyser Japoniyadan qwpiya mindet ötep qaytqan jolında japon su astı soğıs kemesi jağınan suğa batırılğan. Jaqında Filippin teñizindegi 5500 metr tereñdikten kemeniñ qaldıqtarı tabıldı. Bwl turalı «The New York Times» basılımınıñ onlayn qızmeti habarladı.

Derekterge süyensek, kemede 1200 äskeri qızmetker bolğan. Olardan tek 316 adam ğana aman qalğan. Özgesi qaza tapqan. Keme işinde qalğandarınan özgesi akulalar men balıqtardıñ jemine aynalğan delinedi derekterde. Bwl AQŞ teñiz äskeri küşteriniñ tarihındağı eñ bir qandı oqiğalardıñ biri bolıp qaldı.

«Indianapoliske» sol jolı Hirosimağa tastalğan atom bombasınıñ bölşekterin Amerikanıñ Tınıq mwhittağı Tinian aralına jetkizu turalı qwpiya mindet jüktegen. Ol atom bombasınıñ bölşekterin jetkizip bergennen 4 kün ötkende, mıñdağan adamnıñ janın jalmağan atom bombası Hirosimağa tastalıptı. Qwpiya tapsırmanı orındap, Japon araldarınan alıstap Tınıq mwhitına şıqqan kezde Japoniyanıñ su astı soğıs kemesi bayqap qalıp, şabuıl jasağan. Keme bar joğı 12 minut işinde suğa şögip, ğayıp bolğan.

“The Qazaq Times”