Japoniyanıñ qwrlıqtağı özin-özi qorğau küşteri men AQŞ qarulı küşteri «Orient Shield» auqımdı äskeri jattığuın ötkizbek. 

Japoniyanıñ qorğanıs ministri Nobuo Kişidiñ habarlauınşa, jattığu 24 mausım men 11 şilde aralığında Japoniyadağı bazalarda ötedi. Ministr mälimdemesinde: «Japoniya aynalasındağı aymaqtıq qauipsizdik jağdayı künnen künge uşığıp baradı. Sol sebepti Japoniya men AQŞ äskeri küşteri arasındağı ıntımaqtastıqtı nığaytu öte mañızdı. Bwl öz kezeginde japon-amerikalıq strategiyalıq odaqtastıqtıñ nığayuına ıqpal etedi», – dedi.

Eki el 1985 jıldan beri «Orient Shield» atauımen birlesken jattığular ötkizip keledi. Taraptar bwl manevrlerdi eki eldiñ äskeri bölimderi arasındağı özara is-qimıldı nığaytuğa, sonday-aq taktikalıq jäne jauıngerlik äzirlikti arttıru maqsatında bastağan.

"The Qazaq Times"