Saud Arabiyası biliginiñ resmi ökilderi men bwqaralıq aqparat qwraldarınıñ mälimetinşe, Arar qalası mañındağı Irakpen aradağı şekara 1990 jıldan beri alğaş ret aşıladı. Osı qaqpa arqılı eki el arasında jük tasımalı jüzege asırılmaq. Bwl turalı Äl-Jazira (Al-Jazeera) aqparattıq agenttigi jazdı.

Saud Arabiyası men Irak arasındağı diplomatiyalıq baylanıstardıñ üziluine Saddam Huseynniñ öz äskerin Kuveytke alıp kirui sebep bolğan. Osıdan keyin üzilgen qos eldiñ qarım-qatınası 2015 jılı Saud Arabiyasınıñ elşiligi Bağdad qalasında arağa 25 jıl salıp, qayta jwmısın bastağan kezde jandana tüsti.

Irak şiiteriniñ basşısı Mwqtada-as-Sadrdıñ aytuınşa, Saud Arabiyası şiitter twratın oñtüstik audandarğa investiciya qwyudıñ joldarın qarastırıp jatır jäne qazirdiñ özinde Irakqa kömek retinde 10 mln AQŞ dolların bergen.

Mekke basılımı Irak mwsılmandarına jılına bir ret qajılıqqa ğana şekara asuğa rwqsat etiletin, endi halıqtıñ eki arada qatınauı jeñildey tüsedi dep jazdı.

Iraktıñ oñtüstik-batısındağı Anbar provinciyasınıñ basşısı Suhab-äl-Räbi: «Bwl Saud Arabiyası men Iraktıñ bolaşaqtağı äriptestigine jaqsı bastama», - dep bağa berdi.

Irak pen Saud Arabiyasınıñ öñirdegi Irannıñ äskeri jäne sayasi quatınıñ artuına baylanıstı küş biriktirui zañdı qwbılıs. Eki tarap ta körşileriniñ küş alıp, öñirde öz sayasatın jürgize bastağanın qalamaydı.

“The Qazaq Times”