Foto: Forbes

Qazaqstan joldardı jöndeu jwmıstarına ketetin şığındardı 60 payızğa arttırğan. Şığındardıñ artuı jwmıs köleminiñ köp boluımen baylanıstı. Al jaqsı joldardıñ ülesin 48 payızğa deyin jetkizu üşin respublikalıq trassalardı jöndeu jwmıstarına 73 mlrd teñge bölingen. 

Biıl melmekettik sektor 2400 şaqırımğa juıq audandıq, oblıstıq, respublikalıq joldardı ortaşa jäne kürdeli jöndeu jwmısınan ötkizudi josparlağan. Al bwl ötken jılğı jwmıs köleminen 63 payızğa artıq.

Energyprom agenttiginiñ mälimetinşe, ötken jılmen salıstırğanda jol jöndeu jwmıstarın qarjılandıru 60 payızğa artıp, 160,7 mlrd teñgeni qwrağan. Onıñ işinde 73,4 mlrd teñge respublikalıq mañızı bar joldarğa bölinedi (ötken jılğa qarağanda 55 payızğa artıq).

Al oblıstıq jäne audandıq avtojoldardı jöndeu jwmıstarına 71,1 mlrd teñge jwmsaladı jäne bwl da ötken jılğa qarağanda 55 payızğa joğarı.

Eldi mekenderdegi joldardı ortaşa jäne kürdeli jöndeuden ötkizu üşin 8,6 mlrd teñge bölinedi (ösim 73 payız).

2017 jıldıñ basınan beri avtojoldardıñ 44 payızınıñ jağdayı jaqsı dep eseptelse, 41 payızı qanağattanarlıq, 15 payızı naşar dep bağalanğan.

Al jağdayı jaqsı respublikalıq mañızı bar joldar Qızılorda oblısına tiesili. Bwl öñirdegi joldardıñ 72 payızı jaqsı. Al kem-ketigi bar joldar Atırau jäne Almatı oblıstarında.

Energyprom mälimeti boyınşa  jağdayı jaqsı jäne qanağattanarlıq joldardıñ ülesin 2018 jılğa qaray 67 payızğa, 2019 jılıı 68 payızğa, 2020 jılı 69 payızğa jetkizu josparlanğan.

Ayta keteyik, qazirgi kezde barlıq öñirlerde respublikalıq mañızı bar joldarmen qosa kişigirim köşe joldarına deyin jöndeu jwmıstarı jürip jatır. Alayda bwl jöndeu jwmıstarınıñ uaqıtında bitpeui äsirese, qala twrğındarınıñ aşuın tuğızıp otır.