Foto: Qazaq üni

2018 jılı tötenşe jağdaylar üşin respublikalıq byudjetten bölinetin qarjı kölemi 121,10 mlrd teñgeni qwraydı. Biıl jalpı şığındarğa respublikalıq byudjetten 8,96 trln teñge bölingen.

"Ädilet" normativtik qwqıqtıq aktileriniñ aqparattıq-qwqıqtıq jüyesinde jariyalanğan "2018 - 2020 jıldarğa arnalğan respublikalıq byudjet turalı" Zañ boyınşa aldağı üş jılda tötenşe jağdaylar üşin 357,57 mlrd teñge jwmsaluı mümkin.

Tötenşe jağdaylarğa bölingen şığın kölemi biıl köp bolğanmen, 2019 jılı  118,44 mlrd teñgege deyin (jalpı byudjet şığını - 9,54 trln teñge) jäne 2020 jılı 118,03 mlrd teñgege deyin tömendeydi.

Sonımen jalpı tötenşe jağdaylar boyınşa eñ köp qarajat qoğamdıq tärtipti qorğau jäne qoğamdıq qauipsizdikti qamtamasız etu, qılmıstıq-atqaru jüyesi, tabiği jäne tehnogendik sipattağı tötenşe jağdaylardıñ aldın alu jäne olardı joyu salasındağı memlekettik sayasattı ayqındau jäne onıñ iske asırıluın wyımdastıru jönindegi qızmetterge bölingen -  70,28 mlrd  teñge. 2019 jılı bwl körsetkiş 70,27 mlrd teñgeni, 2020 jılı 70,39 mlrd teñgeni qwraytın boladı.

Al 45,64 mlrd teñge "Tabiği jäne tehnogendik sipattağı tötenşe jağdaylardıñ aldın alu jäne joyu salasındağı qızmetti wyımdastıruğa" bölindi (2019 jılı - 42,99 mlrd teñge, 2020 jılı - 42,31 mlrd teñge).

Desek te, jıl sayın tötenşe jağdaylar üşin milliardtağan qarjı bölingenmen, elimizdegi apattı jağdaylardıñ aldın alu mümkin bolmay keledi. Bölingen qarajat sebebimen emes, tek saldarımen küresuge jwmsalıp jatqanday.

“The Qazaq Times”