Foto: Atameken Business Channel

Qazaqstan Respublikasınıñ Wlttıq Banki Qazaqstan
Respublikası bank sektorınıñ qarjılıq ornıqtılığın arttıru bağdarlamasın qabıldadı. Bwl turalı bas bankitiñ baspasöz qızmeti habarladı.

Bağdarlama bank sektorınıñ qarjılıq ornıqtılığın qamtamasız etu boyınşa üş bağıttı közdeydi:

  • qadağalauğa den qoyudıñ sapasın jäne jedeldigin arttıru üşin retteu
    jäne qadağalau ortasın özgertu;
  • jüye qwrauşı banktiñ qarjılıq ornıqtılığın
    arttıru;
  • iri bankterdiñ qarjılıq ornıqtılığın arttıru.

"Bağdarlama memleket qarajatınıñ aqılılığı, merzimdiligi jäne qaytarımdılığı qağidattarı boyınşa iske asırıladı. Bağdarlamada akcionerlerdiñ bankterdi qosımşa kapitaldandıru jönindegi ortaq
jauapkerşiligi közdeledi. Bağdarlama şeñberinde bankterdiñ akcionerleri bankti qosımşa kapitaldandıru jäne aktivterdiñ sapasın jaqsartu jöninde şaralar qabıldauğa tiis, bwl Bağdarlamağa qatısudıñ mindetti talabı bolıp tabıladı", - delingen baspasöz habarlamasında.

Retteuşi bankti mälimetinşe, bankterdiñ qarjılıq ornıqtılığın arttıru jönindegi şaralar 5 jıl işinde bankterdiñ balanstarın problemalıq bereşekten tazartuğa (kapitaldandırudı esepten şığarudı, keşirudi jäne aktivterdiñ sapasın jaqsartu boyınşa basqa şaralardı qamtamasız etu esebinen), bank sektorınıñ jiıntıq menşikti kapitalın wlğaytuğa äkeledi, bwl bankterdiñ ekonomikanıñ naqtı sektorın kreditteuine qoldau körsetedi", - delingen habarlamada.

Ayta keteyik, osığan deyin de Wlttıq bank törağası Daniyar Aqışev osı jıldıñ soñına deyin bank sektorın sauıqtıru ayasında bankterge qarjı beriletinin mälimdegen. Al joğarıdağı bağdarlama jüzege asar bolsa ekinşi deñgeyli bankter "alma pis, auzıma tüs" dep memleket qarjısına "masıl" boludı üyrenşikti ädetke aynaldaradı degen söz.

“The Qazaq Times”