Foto: NewsNetwork

Soñğı on jılda Qazaqstannan jılıstağan tikeley investiciyanıñ jalpı kölemi  58,3 mlrd dollardı qwradı. Qarajattıñ eñ köp böligi 2010 jılı ketken - şamamen 10,5 mlrd dollar, al eñ az 3 mlrd dollar qarajat 2012 jılı jılıstağan. 2016 jılı Qazaqstannan ketken qarjı kölemi 4,4 mlrd dollardı qwradı jäne bwl 2015 jılmen salıstırğanda  36,7 payızğa tömen ($6,9 mlrd). 

Al bwl cifrlar:

  • Qazaqstan azamattarınıñ şeteldegi jıljımaytın müliktiñ jäne şeteldik käsiporındardıñ ülesiniñ kem degende 10 payızın satıp aluğa jwmsalğan qarjısı ekenin;
  • şeteldik kompaniyalardağı şığını nemese tabısı;
  • jäne investiciya ekenin bildiredi.

Forbes basılımı wsınğan mälimetter

 

Sonımen köpşiliginiñ qarjı ieleriniñ naqtı kim ekenin, jinağınıñ qanşa ekenin qwpiya saqtağısı kelui jäne salıqtan jaltaruı eldegi kapitaldıñ jılıstauına äkep soğuda. Forbes Kazakhstan basılımınıñ mälimetinşe, bwl qarjılardıñ 79,6%-ı ofşorlı aymaqtarı bar memleketterge jiberilgen.

Basılımnıñ jazuınşa, QR Qarjı ministrligi jıl sayın "Salıq jeñildikteri bar memleketterdiñ" tizimin jariyalaydı. Soñğı jariyalanım boyınşa tizimde 58 el bar. Olardıñ sanı 2015 jılı Indoneziya, Lyuksemburg jäne Birikken Arab Ämirligi tizimnen şıqqan soñ qısqarğan. Al 2016 jılı Kipr tizimnen "ketti".

Forbes basılımı wsınğan mälimetter

Sonımen mälimetterge sensek, aldıñğı qatarlı 15 elge  jılıstağan investiciya kölemi 2016 jılı elge kelgen jalpı kapitaldıñ 98,4%-ın qwraydı. Olardıñ işinde segizi ofşorlı aymaq nemese territoriyasında sonday orındar bar memleketter.

Tikeley investiciyalardıñ eñ köp mölşeri, yağni 2,8 mlrd dolları Niderlandıda tirkelgen. Bwl jalpı somanıñ 64,9 payızın qwraydı. 2015 jılğa qarağanda bwl san 46,5 payızğa tömen eken.

Al körşi Resey eline 667 mln dollar "ketken". Bwl körsetkiş 2015 jılmen salıstırğanda 70,2 payızğa joğarı bolıp otır.

Birikken Arab Ämirligine, Kayman araldarına  jäne Wlıbritaniyağa qazaqstandıqtar tiisinşe $ 313,2 mln, $ 71,6 mln jäne $ 66,5 mln audarğan.

Al Türkiyağa audarılğan qarjı kölemi aytarlıqtay wlğayğan. 2015 jılı körsetkiş $10,5 mln bolsa, 2016 jılı 5,8 esege ösip, $61 milliondı qwrağan. AQŞ elindegi qarjı birden $208,9 millionnan $17,8 millionğa deyin tömendegen.

Forbes basılımınıñ mälimetinşe, investiciyanıñ köp böligi, şamamen $2,4 mlrd bas kompaniyalardıñ jäne basqaru mäseleleleri boyınşa keñes beru qızmetine jwmsalğan.

Al jeke twtınuşılıq qızmetine, qızmetşiler jaldauğa, üy şaruaşılığı qızmetine $609,2 mln jwmsalğan jäne bwl 2015 jılğa qarağanda 2,4 esege joğarı.

Ayta keteyik, osı jıldıñ basında Qazaqstannıñ Salıq kodeksine kez kelgen mülik pen tabıstı mindetti türde deklaraciyalau norması engizilgen. Qarjı ministrliginiñ mälimetinşe, 2015 jılı qazaqstandıqtar 700 mln dollarğa juıq şeteldik tabıstarın deklaraciyalağan. Alayda ofşorğa "ketken" millliardtağan dollardıñ janında bwl qarjı kölge tamğan tamşıday ğana.

“The Qazaq Times”