Foto: politikus.ru

Auğanıstannıñ biliginde bolğan jıldarı köknär öndirisine tıyım salğan Talibandıqtar endi esirtki öndirisin öz qoldarına alğalı otır. Bwrındarı köknär ösirilgen ielikteri bar şarua qojalıqtarınan salıq alıp otırğan Talibandıqtardıñ endi öz zauıttarın salıp, halıqaralıq esirtki saudasına bel şeşe kirisip otırğanı batıs elderi arasında alañdauşılıq tuğızdı. Bwl turalı APF aqparattıq agenttigi jazdı.

BWW-nıñ deregine süyensek, 2016 jılı Auğanıstan qwnı 3 mlrd AQŞ dolları bolatın 4,8 mıñ tonna apiın öndirip, älemdik swranıstıñ 80 payızın qamtamasız etken.

AQŞ memlekettik hatşısınıñ kömekşisi Uil'yam  Braunfil'd juırda Auğanıstan astanası Kabulda jurnalisterge bergen swhbatında: "Talibandıqtar bükil köknär alqaptarın öz qaramağına alğanına senimdimin. Oñay ösetin köknär Auğanıstannıñ auıl şaruaşılığınıñ edäuir böligin qwraydı. Talibandıqtar endi sol şöpti el işinde öñdep, satatın boladı. Öñdelgen tauar äldeqayda qımbat bağalanadı", - dedi.

Öz atın jasırın wstaudı jön körgen batıs sarapşısı jergilikti fermerler köknär terimi üşin är kilogrammına 163 dollardan alsa, aymaqtıq narıqta geroinge aynalğan esirtki 2300-3500 dollar aralığında satıladı. Europa şekarasına jetkenge deyin 1 kg tauardıñ bağası4500 dollarğa jetedi.

2016 jılı Auğanıstan policiyası 66 mıñ tonna geroindi morfinge aynaldıruğa qajetti himiyalıq zattı tärkilese, biılğı jıldıñ alğaşqı 6 ayınıñ özinde qolğa tüsken himiyalıq qospalardıñ kölemi - 50 mıñ tonna. Bwl Talibandardıñ esirtki öndiru jäne öñdeu isin jolğa qoyıp jatqanın körsetedi. Auğanıstannıñ İşki ister ministrligi qañtar-mausım ayları aralığında 46 astırtın jwmıs isteytin esirtki fabrikaların japqan.

Esirtkige qarsı küres böliminiñ ökili Said Mehdi Kazemidiñ pikirinşe, Talibandıqtar esirtki öndirisinen köp qarjı tauıp, qaru-jaraq jinap, öziniñ äskeri quatın küşeytpek.

Auğanıstannan şalğay ornalasqan Kanadağa jetkiziletin naşanıñ 90 payızı auğandıqtardıñ qolınan şıqqan önim ekenin eskersek, esirtki biznesiniñ jandanıp, qolğa alınuı bükil öñirge ğana emes, jalpı älemge töngen salmaqtı qauip ekeni anıq.

“The Qazaq Times”