Palestina azattığın swrağan ereuilşiler. Foto: The Times of Israel.

Izrail'-Palestina arasındağı janjal qayta örşi tüsken twsta, Süriya biliginiñ üstinen aytılğan arız şağım da köbeye tüsti. Süriya, Palestin-Izrail', Katar dağdarısı qatarlı ister Orta-Şığıs pen Tayau-Şığıstı tağı da twraqsızdıqqa qaray alıp bara jatır. Şığıs-Batıs müddeleri tüyisip jatqan osı aymaq, jaña ğasırdıñ şirek bölegine deyin beybit tınıştıqqa qol jetkize almaytın körinedi.

Türkiya aqparat qwraldarı Süriyadağı Başar Asad biligi «qaqtığıssız aymaqtardağı» şabuılın äli de jalğastıruda dep mälimdedi. Bir jaqtı atıs toqtatu bitimi jariyalanğan Şığıs Gutadağı azamattıq qorğanıs ortalığınıñ bergen mälimetine qarağanda, ükimet äskeri küşteriniñ wşaqtarı 24 şilde tünde (20:19 sağatta) atalğan aymaqtardağı auıldardı bombalağan. Saldarınan,  segiz adam köz jwmğan, olardıñ üşeui balalar.

Süriyanıñ ortalıq qalası Damaskiniñ Şığısındağı Guta aymağı soñğı bes jılda Başar Asad biliginiñ baqılauında bolıp keldi. Ükimettiñ Şığıs Gutadağı qorşauın barğan sayın qısıp keledi. Ondağı azamattıq qorğanıs ortalığı atalatın qarulı küşter özge aymaqtardağı ükimetke qarsı toptardan barğan sayın alşaq qalıp baradı. Başar Asad biligi Damask qalasınıñ şığısın tolıqtay baqılauına aluğa tırısıp otır.

Reseydiñ «Ria Novosti» aqparattıq agenttiginiñ habarında Reseydiñ Süriyadağı küşteri men qarsı toptardıñ jetekşileri, Mısırdıñ araağayın boluımen Kairda kelisimge kelgen bolatın. Sodan keyin ğana Başar Asad Şığıs Gutanı bombalaudı toqtatqan edi.

“The Qazaq Times”