ورتا-تاياۋ شىعىستى تۇراقسىزدىق پەن قاقتىعىس قايتا شارپي باستادى

يزرايل-پالەستينا اراسىنداعى جانجال قايتا ءورشي تۇسكەن تۇستا، ءسۇريا بيلىگىنىڭ ۇستىنەن ايتىلعان ارىز شاعىم دا كوبەيە ءتۇستى. ءسۇريا، پالەستين-يزرايل، كاتار داعدارىسى قاتارلى ىستەر ورتا-شىعىس پەن تاياۋ-شىعىستى تاعى دا تۇراقسىزدىققا قاراي الىپ بارا جاتىر. شىعىس-باتىس مۇددەلەرى ءتۇيىسىپ جاتقان وسى ايماق، جاڭا عاسىردىڭ شيرەك بولەگىنە دەيىن بەيبىت تىنىشتىققا قول جەتكىزە المايتىن كورىنەدى.

تۇركيا اقپارات قۇرالدارى سۇرياداعى باشار اساد بيلىگى «قاقتىعىسسىز ايماقتارداعى» شابۋىلىن ءالى دە جالعاستىرۋدا دەپ مالىمدەدى. ءبىر جاقتى اتىس توقتاتۋ ءبىتىمى جاريالانعان شىعىس گۋتاداعى ازاماتتىق قورعانىس ورتالىعىنىڭ بەرگەن مالىمەتىنە قاراعاندا، ۇكىمەت اسكەري كۇشتەرىنىڭ ۇشاقتارى 24 شىلدە تۇندە (20:19 ساعاتتا) اتالعان ايماقتارداعى اۋىلداردى بومبالاعان. سالدارىنان،  سەگىز ادام كوز جۇمعان، ولاردىڭ ۇشەۋى بالالار.

ءسۇريانىڭ ورتالىق قالاسى داماسكىنىڭ شىعىسىنداعى گۋتا ايماعى سوڭعى بەس جىلدا باشار اساد بيلىگىنىڭ باقىلاۋىندا بولىپ كەلدى. ۇكىمەتتىڭ شىعىس گۋتاداعى قورشاۋىن بارعان سايىن قىسىپ كەلەدى. ونداعى ازاماتتىق قورعانىس ورتالىعى اتالاتىن قارۋلى كۇشتەر وزگە ايماقتارداعى ۇكىمەتكە قارسى توپتاردان بارعان سايىن الشاق قالىپ بارادى. باشار اساد بيلىگى داماسك قالاسىنىڭ شىعىسىن تولىقتاي باقىلاۋىنا الۋعا تىرىسىپ وتىر.

رەسەيدىڭ «ريا نوۆوستي» اقپاراتتىق اگەنتتىگىنىڭ حابارىندا رەسەيدىڭ سۇرياداعى كۇشتەرى مەن قارسى توپتاردىڭ جەتەكشىلەرى، مىسىردىڭ ارااعايىن بولۋىمەن كايردا كەلىسىمگە كەلگەن بولاتىن. سودان كەيىن عانا باشار اساد شىعىس گۋتانى بومبالاۋدى توقتاتقان ەدى.

“The Qazaq Times”