Foto: AFP

Indoneziyanıñ Prezidenti Yoko Vidodo memlekette örşip twrğan esirtki saudasın auızdıqtau üşin, policiyağa naşanı öndiruşi, tasımaldauşı, taratuşılardı öltiruge bwyrıq berdi. Bwl turalı Äl-Jazira (Al-Jazeera) jazadı.

Memleket basşısı älemdik qauımdastıqtıñ biraz narazılığın tudırğan bwl şeşimdi Filippinniñ esirtkige qarsı küres ülgisin paydalanıp, qabıldap otırğanın jetkizdi.

Atap ötu kerek, Filippinniñ Prezidenti Rodrigo Duterte bilik basına kelgen sätinde: "Adol'f Gitler 3 mln evreydi öltirdi. Bizdiñ elimizde 3 mln naşaqor bar. Men olar üşin "Adol'f Gitler" bolıp,  memleketti tazartamın" dep mälimdegen bolatın. Nebäri  4 aydıñ işinde Filippinde esirtki paydalanğandar men saudalağandardı sot şeşiminsiz-aq, wstalğan jerinde öltiretin "ölim eskadrondarı" qwrılğan bolatın.

Yoko Vidodo jaña şeşim turalı: "Bizdiñ elimizge kelip, esirtki tasımaldaytın şeteldik azamattar köp. Olardı qolğa tüsiru qiın, sondıqtan wstalğan jerde barlığın atu kerek", -dep pikir bildirdi.

Indoneziyada esirtki turalı zañdar onsızda qatal. Osıdan bwrın memleket basşısı ömir boyı abaqtığa jabılğan birqatar şeteldik azamattardı ölim jazasına kesip, bası "dauğa" qalğan edi. Öltiru turalı bwyrıqqa ilingenderdiñ qatarında öz azamattarı bolğan Avstraliya, Franciya, Braziliya memleketteri Indoneziyanıñ elşilikterine qatañ sögis jariyalap, mwnday şeşimder demokratiyalıq principterge qayşı dep dabıl qaqqan.

Barlıq qarsılıqtarğa qaramastan, Yoko Vudodo şeşimin özgertetin emes.

“The Qazaq Times”