Foto: interfax

Türkiya Parlamenti ötken jılğı memlekettik töñkeris jasauğa talpınıs oqiğasınan keyin törtinşi ret elde tötenşe jağday rejimin tağı da üş ayğa wzartıp otır. Bwl turalı Türkiyanıñ HürriyetDailyNews basılımı habarladı.

Parlament deputattarınıñ pikirinşe, tötenşe jağdaydı wzartu turalı şeşim terroristik qauip-qaterdiñ aldın-alu maqsatında qabıldanğan. Mwnda birinşi kezekte Fethullah Gyulen basqaratın FETO wyımı turalı söz bolıp otır.

Esteriñizge sala keteyik, 2016 jıldıñ 15-nen 16 şildege qarağan tüni Türkiyada memlekettik töñkeris jasalmaq bolğan. Oqiğa saldarınan 265 adam qaza tapqan bolatın. Türkiyanıñ Prezidenti Rejep Tayıp Erdoğan bwl bülikti Fethullah Gyulen wyımdastırıp, Pensil'vaniyadan tikeley bwyrıq berip otırğan dep esepteydi.

Türkiyanıñ oppoziciya tarapındağı Respublikalıq Halıqtıq partiyası tötenşe jağdaydı wzarta beru el ekonomikası men sayasi bedeline nwqsan keltirui mümkin dep alañdaydı.

Juırda Türkiya 2 mıñğa juıq Qazaqstan azamatına halıqaralıq terrorizmmen baylanısı bar jäne Türik memleketi arqılı qaqtığıs alañdarına ötui mümkin degen ayıppen  elge kiruge tıyım saldı. Türkiyanıñ Sırtqı ister ministrliginiiñ mälimetinşe, azamattarına elge kiruge tıyım salınğan tizimde Qazaqstan 8-orında twr (1914 qazaqstandıq Türik memleketine bara almaydı).

“The Qazaq Times”