Foto: Reuters

Resey biligi Nemuro qalasınıñ meri Syunsuke Hasegavu bastağan japon delegaciyasına Oñtüstik Kuril araldarına kiruge tıyım saldı. Qala basşısı bwl turalı josparlanğan issaparınan bir kün bwrın ğana  bilgen dep jazadı The Japan Times.

Basılımnıñ mälimetinşe, Japoniyanıñ Ukraina mäselesine qatıstı Reseyge salğan sankciyası, japon delegaciyasınıñ araldarğa kiruine tıyım saluğa bastı sebep bolğan. Degenmen Reseydiñ Sırtqı ister ministrligi bwl jöninde äli arnayı mälimdeme jasağan joq.

Atap ötu kerek, Kuril araldarına qatıstı territorialdı dau Resey men Japoniyanıñ arasında äli de şeşimin taba almay keledi. Japoniya oñtüstikte ornalasqan Iturup, Kunaşir, Şikotan jäne  Habomai araldarın özderiniñ tarihi tiesili jeri sanaydı. Al Resey  Keñes Odağı bwl aumaqtı Japoniyanıñ Ekinşi Düniejüzilik soğıstağı jeñilisinen keyin zañdı türde alğan degen twjırımdı alğa tartadı.

“The Qazaq Times”