Foto: v-kurse-voronezh.ru

2017  jıldıñ 6 ayı boyınşa Qazaqstannıñ joldarında 7127 jol-kölik oqiğası (JKO) bolıp, 9992 adam zardap şekti, 738-i qaza taptı. Bwl turalı QR Bas prokuraturasınıñ Qwqıqtıq statistika jäne arnayı esepke alu jönindegi komiteti habarlaydı.

Komitettiñ mälimetinşe, ötken jıldıñ wqsas kezeñimen salıstırğanda JKO 10,7%-ğa, zardap şekkenderdiñ 10,3%-ğa, qaza tapqandardıñ 20,5%-ğa tömendeui bayqaladı.

Eñ köp JKO Almatı qalası, Almatı jäne Oñtüstik Qazaqstan oblıstarında bolğan.

Adam ölimi boyınşa Almatı oblısı alda twr, mwnda 162 adam jol apatında qaza tapqan. Birinşi jartıldıq boyınşa eñ ülken jol-kölik oqiğası Aqtöbe oblısında boldı, onda 16 adam zardap şegip, onıñ 9-ı qaza tapqan.

«Apattılıq kartası» körsetkendey, Qazaqstanda Almatı qalasındağı Jandosov pen Manas köşeleriniñ qiılısı jol apatı eñ köp orın alatın jer bolıp tabıladı, onda 9 JKO orın alıp, 10 adam zardap şekken.

“The Qazaq Times”