قازاقستاندا جول اپاتى ءجيى بولاتىن وڭىرلەر انىقتالدى

2017  جىلدىڭ 6 ايى بويىنشا قازاقستاننىڭ جولدارىندا 7127 جول-كولىك وقيعاسى (جكو) بولىپ، 9992 ادام زارداپ شەكتى، 738-ءى قازا تاپتى. بۇل تۋرالى قر باس پروكۋراتۋراسىنىڭ قۇقىقتىق ستاتيستيكا جانە ارنايى ەسەپكە الۋ جونىندەگى كوميتەتى حابارلايدى.

كوميتەتتىڭ مالىمەتىنشە، وتكەن جىلدىڭ ۇقساس كەزەڭىمەن سالىستىرعاندا جكو 10,7%-عا، زارداپ شەككەندەردىڭ 10,3%-عا، قازا تاپقانداردىڭ 20,5%-عا تومەندەۋى بايقالادى.

ەڭ كوپ جكو الماتى قالاسى، الماتى جانە وڭتۇستىك قازاقستان وبلىستارىندا بولعان.

ادام ءولىمى بويىنشا الماتى وبلىسى الدا تۇر، مۇندا 162 ادام جول اپاتىندا قازا تاپقان. ءبىرىنشى جارتىلدىق بويىنشا ەڭ ۇلكەن جول-كولىك وقيعاسى اقتوبە وبلىسىندا بولدى، وندا 16 ادام زارداپ شەگىپ، ونىڭ 9-ى قازا تاپقان.

«اپاتتىلىق كارتاسى» كورسەتكەندەي، قازاقستاندا الماتى قالاسىنداعى جاندوسوۆ پەن ماناس كوشەلەرىنىڭ قيىلىسى جول اپاتى ەڭ كوپ ورىن الاتىن جەر بولىپ تابىلادى، وندا 9 جكو ورىن الىپ، 10 ادام زارداپ شەككەن.

“The Qazaq Times”