Foto: almaty.gov.kz

Almatıda qalağa qosılğan eldi mekenderdegi twrğındardı, sonıñ işinde taulı jerlerde twratındardı qoğamdıq kölikpen qamtamasız etu maqsatında 10 şildeden bastap jaña avtobustardıñ bağıttarı aşıladı. Bwl üşin jergilikti byudjet esebinen türli jolmen jüruge beyimdelgen Evro-4 ekologiyalıq standarttağı 45 dizel'di avtobustar alınğan, dep habarlaydı qala äkimdiginiñ baspasöz qızmeti.

Jaña bağıttar twrğındar men äkimdikterden tüsken ötinimder negizinde jasaldı. Bügingi künge deyin qajetti jıljımalı qwramnıñ joqtığı saldarınan joğarıda atalğan bağıttarğa kölik qatınamaytın.

"Biılğı jıldıñ 10 şildesinen bastap «Almatıelektrotrans» JŞS mına bağıttar boyınşa kölik qozğalısın qamtamasız etedi: № 26 (Taujolı – Qalqamandağı №7emhana), № 40 (Jwmısşılar poselkesi – Maqataev köşesi), № 125 (Kökjiek - «Armada» sauda üyi). 17şildeden bastap mına bağıttar boyınşa avtobustar jüre bastaydı: №14 (Qarağaylı - «Barıs-3» bazarı), № 15 (Alatau sovhozı - «Altın Orda» bazarı)", - delingen baspasöz habarlamasında.

Qala äkimdiginiñ mälimetinşe, «Almatıelektrotrans» JŞS-nıñ kommunaldı käsipornına LIAZ markalı 15 avtobus berilgen. 9,5 metrlik tömen edendi bwl avtobustar Evro-5 ekologiyalıq standartına say, kondicionerlermen, mügedekter üşin arnayı kötergiştermen jabdıqtalğan. Qwjattardı dayındau jönindegi barlıq is-şara bitken soñ olar 1 tamızdan bastap mına bağıttar boyınşa jolğa şığadı: №28 (.Orbita 2,4 – GES 2), №68 (Äl- Farabi dañğılı – Remizovka sayajayları).

Sonımen qatar, qala bağıttarındağı jıljımalı qwramdı jañartu maqsatında jıl ayağına deyin 300 zamanaui jaña avtobustar alu üşin Almatı äkimdigi 11,5 mlrd teñge böldi.

“The Qazaq Times”