فوتو: almaty.gov.kz

الماتىدا قالاعا قوسىلعان ەلدى مەكەندەردەگى تۇرعىنداردى، سونىڭ ىشىندە تاۋلى جەرلەردە تۇراتىنداردى قوعامدىق كولىكپەن قامتاماسىز ەتۋ ماقساتىندا 10 شىلدەدەن باستاپ جاڭا اۆتوبۋستاردىڭ باعىتتارى اشىلادى. بۇل ءۇشىن جەرگىلىكتى بيۋدجەت ەسەبىنەن ءتۇرلى جولمەن جۇرۋگە بەيىمدەلگەن ەۆرو-4 ەكولوگيالىق ستاندارتتاعى 45 ديزەلدى اۆتوبۋستار الىنعان، دەپ حابارلايدى قالا اكىمدىگىنىڭ ءباسپاسوز قىزمەتى.

جاڭا باعىتتار تۇرعىندار مەن اكىمدىكتەردەن تۇسكەن وتىنىمدەر نەگىزىندە جاسالدى. بۇگىنگى كۇنگە دەيىن قاجەتتى جىلجىمالى قۇرامنىڭ جوقتىعى سالدارىنان جوعارىدا اتالعان باعىتتارعا كولىك قاتىنامايتىن.

"بيىلعى جىلدىڭ 10 شىلدەسىنەن باستاپ «الماتىەلەكتروترانس» جشس مىنا باعىتتار بويىنشا كولىك قوزعالىسىن قامتاماسىز ەتەدى: № 26 (تاۋجولى – قالقامانداعى №7ەمحانا), № 40 (جۇمىسشىلار پوسەلكەسى – ماقاتاەۆ كوشەسى), № 125 (كوكجيەك - «ارمادا» ساۋدا ءۇيى). 17شىلدەدەن باستاپ مىنا باعىتتار بويىنشا اۆتوبۋستار جۇرە باستايدى: №14 (قاراعايلى - «بارىس-3» بازارى), № 15 (الاتاۋ سوۆحوزى - «التىن وردا» بازارى)", - دەلىنگەن ءباسپاسوز حابارلاماسىندا.

قالا اكىمدىگىنىڭ مالىمەتىنشە، «الماتىەلەكتروترانس» جشس-نىڭ كوممۋنالدى كاسىپورنىنا لياز ماركالى 15 اۆتوبۋس بەرىلگەن. 9,5 مەترلىك تومەن ەدەندى بۇل اۆتوبۋستار ەۆرو-5 ەكولوگيالىق ستاندارتىنا ساي، كونديتسيونەرلەرمەن، مۇگەدەكتەر ءۇشىن ارنايى كوتەرگىشتەرمەن جابدىقتالعان. قۇجاتتاردى دايىنداۋ جونىندەگى بارلىق ءىس-شارا بىتكەن سوڭ ولار 1 تامىزدان باستاپ مىنا باعىتتار بويىنشا جولعا شىعادى: №28 (.وربيتا 2,4 – گەس 2), №68 ء(ال- فارابي داڭعىلى – رەميزوۆكا ساياجايلارى).

سونىمەن قاتار، قالا باعىتتارىنداعى جىلجىمالى قۇرامدى جاڭارتۋ ماقساتىندا جىل اياعىنا دەيىن 300 زاماناۋي جاڭا اۆتوبۋستار الۋ ءۇشىن الماتى اكىمدىگى 11,5 ملرد تەڭگە ءبولدى.

“The Qazaq Times”