Foto: schukino.mos.ru

"AQŞ Sotı Twitter Inc. kompaniyasınıñ el Ükimetine qarsı şağımın qabıldadı", - dep habarlaydı Reyter agenttigi. 

Mikroblogtar servisi AQŞ Ükimetinen öz qoldanuşılarınıñ jeke derekterin paydalanu turalı esepti tolıq äri naqtı beruin swrap otır. Qazir kompaniya memleket basşılığı qol jetkizgen jeke derekterdiñ sanın "0-den 499-ğa deyin" nemese  "500-den  999-ğa deyin" dep şamamen ğana körsete aladı. Kompaniya zañgerleriniñ pikirinşe, bwl käsipkerlerdiñ qwqığın bwzadı.

Öz kezeginde AQŞ-tıñ Ädilet ministrligi:  "Swralğan aqparattardıñ naqtı sanı memlekettik qwpiya sanaladı jäne onı aşu jau memleketter üşin paydalı boluı mümkin", - dep, sottan şağımdı keri qaytarudı talap etken edi.

Degenmen AQŞ Sotı Ädilet ministrliginiñ el qauipsizdigine tönetin qauipti däleldi türde körsete almağanı üşin, Twitter Inc. kompaniyasınıñ şağımın qabıldap, isti bastau turalı şeşim qabıldadı.

“The Qazaq Times”