فوتو: schukino.mos.ru

"اقش سوتى Twitter Inc. كومپانياسىنىڭ ەل ۇكىمەتىنە قارسى شاعىمىن قابىلدادى", - دەپ حابارلايدى رەيتەر اگەنتتىگى. 

ميكروبلوگتار سەرۆيسى اقش ۇكىمەتىنەن ءوز قولدانۋشىلارىنىڭ جەكە دەرەكتەرىن پايدالانۋ تۋرالى ەسەپتى تولىق ءارى ناقتى بەرۋىن سۇراپ وتىر. قازىر كومپانيا مەملەكەت باسشىلىعى قول جەتكىزگەن جەكە دەرەكتەردىڭ سانىن "0-دەن 499-عا دەيىن" نەمەسە  "500-دەن  999-عا دەيىن" دەپ شامامەن عانا كورسەتە الادى. كومپانيا زاڭگەرلەرىنىڭ پىكىرىنشە، بۇل كاسىپكەرلەردىڭ قۇقىعىن بۇزادى.

ءوز كەزەگىندە اقش-تىڭ ادىلەت مينيسترلىگى:  "سۇرالعان اقپاراتتاردىڭ ناقتى سانى مەملەكەتتىك قۇپيا سانالادى جانە ونى اشۋ جاۋ مەملەكەتتەر ءۇشىن پايدالى بولۋى مۇمكىن", - دەپ، سوتتان شاعىمدى كەرى قايتارۋدى تالاپ ەتكەن ەدى.

دەگەنمەن اقش سوتى ادىلەت مينيسترلىگىنىڭ ەل قاۋىپسىزدىگىنە تونەتىن قاۋىپتى دالەلدى تۇردە كورسەتە الماعانى ءۇشىن، Twitter Inc. كومپانياسىنىڭ شاعىمىن قابىلداپ، ءىستى باستاۋ تۋرالى شەشىم قابىلدادى.

“The Qazaq Times”