Foto: infomatrix.kz

Astana qalasınıñ äkimi Äset Isekeşev EKSPO-2017 halıqaralıq körmesinde «KAZAKHINVEST» Wlttıq kompaniyası» AQ-nıñ pavil'onın bolıp,  kompaniya basşılarımen kezdesti. Kezdeuge Astana qalasınıñ aumağında ornalasqan şeteldik investorlardıñ ökilderi qatıstı, dep habarlaydı qala äkimdiginiñ baspasöz qızmeti. 

Äkim qalada investiciya boyınşa atqarılıp jatqan jwmıs wyımdastıru jağınan da, zañnamalıq twrğısınan da qayta qarastırılğanın atap ötti. Jıl basında qalada investiciya tartu boyınşa jalğız organ retinde «Astana invest» wyımı qwrılğan.

- Jürgizilip jatqan tehnologiyalıq jañğırtudı esepke alğanda, biz 2020 jılğa deyin qalanı damıtu bağdarlamasına tüzetu engizdik. Basımdıq beriletin 10 salanı anıqtadıq, ol ekonomikanıñ eñ negizgi ösu tetigi bolmaq, atap aytqanda – turizm, development klasteri, qarjı ortalığı, qazirgi zamanğı öndiris, «aqıldı qala» üşin şeşimderdi qosa alğanda, memlekettik wyımdar, transwlttıq kompaniya jäne memlekettik sala üşin qızmetter, densaulıq saqtau, bilim, sauda jäne logistika, mädeniet, sport jäne kreativti sektorlar. Osı 10 salağa MJS mehanizmin qosa alğanda investiciya tartuğa erekşe den qoyılğan, - dedi äkim.

Qala basşısı öz kezeginde Astana älemdegi eñ qarqındı damıp kele jatqan qalalardıñ biri ekenin ayttı. 19 jıl işinde negizgi kapitalğa qwyılğan investiciya 40-tan asa ese östi, jalpı kölem 7 trln teñgeden asqan.

“The Qazaq Times”