استانانى دامىتۋ باعدارلاماسىنا تۇزەتۋ ەنگىزىلدى

استانا قالاسىنىڭ اكىمى اسەت يسەكەشەۆ ەكسپو-2017 حالىقارالىق كورمەسىندە «KAZAKHINVEST» ۇلتتىق كومپانياسى» اق-نىڭ پاۆيلونىن بولىپ،  كومپانيا باسشىلارىمەن كەزدەستى. كەزدەۋگە استانا قالاسىنىڭ اۋماعىندا ورنالاسقان شەتەلدىك ينۆەستورلاردىڭ وكىلدەرى قاتىستى، دەپ حابارلايدى قالا اكىمدىگىنىڭ ءباسپاسوز قىزمەتى. 

اكىم قالادا ينۆەستيتسيا بويىنشا اتقارىلىپ جاتقان جۇمىس ۇيىمداستىرۋ جاعىنان دا، زاڭنامالىق تۇرعىسىنان دا قايتا قاراستىرىلعانىن اتاپ ءوتتى. جىل باسىندا قالادا ينۆەستيتسيا تارتۋ بويىنشا جالعىز ورگان رەتىندە «استانا ينۆەست» ۇيىمى قۇرىلعان.

- جۇرگىزىلىپ جاتقان تەحنولوگيالىق جاڭعىرتۋدى ەسەپكە العاندا، ءبىز 2020 جىلعا دەيىن قالانى دامىتۋ باعدارلاماسىنا تۇزەتۋ ەنگىزدىك. باسىمدىق بەرىلەتىن 10 سالانى انىقتادىق، ول ەكونوميكانىڭ ەڭ نەگىزگى ءوسۋ تەتىگى بولماق، اتاپ ايتقاندا – تۋريزم، دەۆەلوپمەنت كلاستەرى، قارجى ورتالىعى، قازىرگى زامانعى ءوندىرىس، «اقىلدى قالا» ءۇشىن شەشىمدەردى قوسا العاندا، مەملەكەتتىك ۇيىمدار، ترانسۇلتتىق كومپانيا جانە مەملەكەتتىك سالا ءۇشىن قىزمەتتەر، دەنساۋلىق ساقتاۋ، ءبىلىم، ساۋدا جانە لوگيستيكا، مادەنيەت، سپورت جانە كرەاتيۆتى سەكتورلار. وسى 10 سالاعا مجس مەحانيزمىن قوسا العاندا ينۆەستيتسيا تارتۋعا ەرەكشە دەن قويىلعان، - دەدى اكىم.

قالا باسشىسى ءوز كەزەگىندە استانا الەمدەگى ەڭ قارقىندى دامىپ كەلە جاتقان قالالاردىڭ ءبىرى ەكەنىن ايتتى. 19 جىل ىشىندە نەگىزگى كاپيتالعا قۇيىلعان ينۆەستيتسيا 40-تان اسا ەسە ءوستى، جالپى كولەم 7 ترلن تەڭگەدەن اسقان.

“The Qazaq Times”